သတင်းစာဆရာ၊ အင်္ဂလိပ်စာကျောင်းဆရာ ဦးခင်မောင်လတ်၏ သေတမ်းစာ
ဦးခင်မောင်လတ် (၁၉၁၅ - ၁၉၉၆)

(ကွယ်လွန်ခြင်း ၁၃ နှစ်ပြည့် အမှတ်တရ အဖြစ် ယခင် စာပေဂျာနယ်  ၁၉၉၄က ပြန်လည်ကောက်နုတ်ဖော်ပြသည်)

သြဂုတ် ၃၊ ၂၀၀၉

Thus let me live unseen, unknown.
Thus unlamented Let me die.
Steal from the World , and not a stone tell where I lie.
(Alexander Pope)


အဲဒီလို လူမသိ သူမသိ နေချင်လှ
အဲဒီလို လူမဆွေး သူမဆွေး သေချင်ပ၊
လူသူလေးပါး တိတ်ချိန်ကျ လောကကြီးက ထွက်ခွာမှ၊
ငါလျောင်းရာ ဘာကျောက်တိုင်မှ မပြ။

အသိမိတ်ဆွေတစ်ယောက်ရဲ့နာရေးကြော်ငြာမှာ“သွားလေသူရဲ့ဆန္ဒအရအသုဘပို့ခြင်းသီးခံပါ” လို့ရေးထားတာ တခါတုန်းက တွေ့ရဖူးတယ်။ အဲဒီဆန္ဒဟာ ဘဘရဲ့ဆန္ဒနဲ့တထပ်ထဲကျနေတယ်။ ဘဘကတော့ အသုဘလဲ မပို့စေချင်ဘူး။ သတင်းစာထဲမှာလည်း မိတ်ဆွေရင်းချာတွေကတော့ မသိဘဲလဲ မနေဘူး။ မပို့ဘဲလဲ မနေဘူး။ သူတို့ကတော့ ကိုယ်နဲ့ထပ်တူ ပူဆွေးမည့်သူ၊ ကူညီမည့်သူတွေပဲ။ မပို့ရင် မကောင်းလို့ ပို့မည့်သူတွေ မဟုတ်။ ၀တ္တရားရှိလို့ ပန်းခွေပို့မည့်သူတွေ မဟုတ်ဘူး။ ၀တ္တရားရှိလို့ အသုဘပို့တဲ့ကားတွေပေါ်မှာ လိုက်လာပြီး ကားပေါ်ကတောင် အောက်မဆင်းဘဲ အိမ်ပြန်ကြတဲ့လူတွေ မဟုတ်ဘူး။ ဟေးလားဝါးလားနဲ့ တသောသောရယ်မောရင်း မသာပို့တဲ့လူတွေလဲ မဟုတ်ဘူး။

သတင်းစာထဲမထည့်လို့အဲဒီလိုလူတွေ မပို့နိုင်ကြတာ ၀မ်းနည်းကြေကွဲနေရတဲ့ မိသားစုအဖို့ ပို၍ ၀မ်းနည်းကြေကွဲဖွယ်ရာ တရပ် မဟုတ်ပါ။ သတင်းစာထဲ မထည့်လို့် ဖြစ်ပေါ်မည့် အကျိူးကျေးဇူးမှာ ယနေ့ခေတ် ပကာသနကြောင့် ပို့ကြသော ပန်းခွေများအတွက် အချီးနှီးကုန်ကျစရိတ် သက်သာသလောက် သက်သာသွားလိမ့်မည်။

ပူဆွေးကြေကွဲနေကြတဲ့ ကျန်ရစ်သူမိသားစုအဖို့မှာ၊ ပန်းခွေပို့ရန်မလိုတဲ့ ရင်းနှီးသော ဆွေမျိူးညာတိ၊ မိတ်ဆွေသင်္ဂဟ အပေါင်း၏ နှစ်သိမ့်အားပေးခြင်း၊ ထပ်တူဝမ်းနည်းခြင်း အစစ်အမှန်ကို အားပါးတရ ခံယူရရှိနိုင်ကြမည်။

ဒါက သတင်းစာမှာ နာရေးကြော်ငြာ လုံးဝမထည့်ရင် ရှိမည့် အကျိူး။

သတင်းစာထဲ ထည့်မည်ဆိုလျှင် “ကွယ်လွန်သူ၏ဆန္ဒအရ အသုဘပို့ခြင်း၊ ပန်းခွေပို့ခြင်း သည်းခံပါ” လို့ထည့်မှ ဖြစ်မည်။ ဒီလိုဆိုပြန်တော့ လူအများ ခေတ်စားနေတဲ့ ထုံးစံတခုကို ဖီလာဆန့်ကျင်နေတာဟာ အလကားနေရင်း အမုန်းပွားအောင် တကိုယ်တော်ဝါဒနဲ့ အတ္တလွန်ကဲရာ ရောက်နေမလားလို့လဲ စဉ်းစားမိတယ်။

သားတို့သမီးတို့ မြေးတို့အနေနဲ့လဲ ကိုယ့်အပေါင်းအသင်း အသိုင်းအ၀ိုင်းရဲ့ အတွေးအမြင်ကို ထည့်သွင်းစဉ်းစားပေါ့။ ဘဘသဘောထားကိုသာ သားတို့သိဖို့ ပြောပြနေတာပါ။ သားတို့ သမီးတို့ အသိုင်းအ၀ိုင်းက သူများမလုပ်တဲ့ လုပ်နည်းလုပ်ဟန်ကြောင့် သားတို့ သမီးတို့ကို ကဲ့ရဲ့အပြစ်တင်မှာ စိုးရင်၊ ကိစ္စတွေအားလုံးပြီးမှ “ကွယ်လွန်သူရဲ့ ဆန္ဒအရ ကိစ္စပြီးမှ ဤကြော်ငြာကို ထည့်ရပါသည်” လို့ ဆိုရင် လုံလောက်ပါလိမ့်မယ်လို့ ထင်မိတယ်။

ဒီစာ ထိပ်ဆုံးမှာ ပါတဲ့ The Quiet Life ကဗျာလေးက ဘဘ ၃ တန်းမှာ သင်ရကတည်းက ခေါင်းထဲမှာစွဲပြီး သဘောကျနေတာ၊ ဘဘတို့က လူစည်ကားတာကို ဘယ်လောက်ကြောက်သလဲဆိုရင် သားတို့သမီးတို့အသိဆုံးပေါ့။ တဦးတည်းသောသားရဲ့ တသက်တစ်ခါ မင်္ဂလာကိစ္စကို အတိုချူံးပြီး တရားသူကြီးနဲ့ လူကြီးစုံရာရှေ့မှာ ပြီးလိုက်တာဟာ သမီးကြီးရဲ့မိဘနှစ်ပါးကိုယ်တိုင်က သူတော်ကောင်းစိတ်နဲ့ သဘောထားကြီးစွာ ခွင့်ပြုလို့သာ ဖြစ်နိုင်တာပေါ့။ အသွင်မတူ အိမ်သူမဖြစ်ဆိုတာ ကိုယ့်လိုလူလဲ ရှိသေးတယ်နော်။

(စာကြွင်း - ဆရာဦးခင်မောင်လတ် အဲသည်စာကို ၁၉၉၄ မှာ ရေးခဲ့ပြီး၊ ၁၉၉၆ သြဂုတ်လ ၁ ရက်မှာ ကွယ်လွန်ပါတယ်။ ဆရာနဲ့ ရာသက်ပန်လက်တွဲခဲ့သူ ဇနီးသည် ဒေါ်ခင်မျိုးချစ်က သူတို့ရဲ့ ဘ၀ခရီးကို အခုလိုမျိုး ရေးခဲ့ဖူးတာလေးကို ဖြည့်စွက်လိုက်ပါရစေ)



ကျမ၏ အိမ်နီးချင်းတဦးမှာ ကိုလတ်အမည်ရှိ လူငယ်တဦး ဖြစ်သည်။ သူသည် ကျမကဲ့သို့ စာဖတ်ဝါသနာပါသူ ဖြစ်သည်။ ကျမဖတ်သော စာအုပ်များနှင့် သူဖတ်သော စာအုပ်များအကြောင်း ပြောကြသည်။ စာအုပ်များ လဲလှယ် ဖတ်ကြသည်။ကျမတို့ လဲလှယ်ဖတ်ကြသော စာအုပ်တအုပ်မှာ Louisa M.A. Lcott ၏ Little Women ၀တ္ထု ဖြစ်သည်။ ထိုဝတ္ထုထဲမှ မင်းသမီးဖြစ်သော Little Jo ကိုအစွဲပြု၍ ကိုလတ်က ကျမကို ကျီစားသည့်အနေနှင့် ဂျိူ ဟုခေါ်သည်။ ကျမတို့ တွေ့ကြတိုင်း စာအုပ်တွေအကြောင်း ပြောမဆုံး ဖြစ်ခဲ့ပါသည်။ ဤကဲ့သို့ ၀ါသနာတူ၊ ဘ၀ချင်းတူသူ အချင်းချင်း တွေ့ဆုံ စကားများပြောမဆုံး ဖြစ်သည့်အခါ ရွေးစရာလမ်းမှာ တခုသာ ရှိသည်။ ၎င်းမှာ တသက်လုံး အတူတူနေကြရန် ဖြစ်ပါသည်။

(ဒေါ်ခင်မျုိးချစ် - ၁၉၁၅ - ၁၉၉၉)

ဒေါ်ခင်မျိုးချစ် - စာရေးဆရာဟူသည်  
(မိုးမခပြန်လည်ဆန်းသစ်)
 ဒီဇင်ဘာ ၈၊ ၂၀၁၅

နတ်တော်လသည် မြန်မာပြက္ခဒိန်အရ ကိုးလမြောက်လဖြစ်သည်။ ထိုအချိန်တွင် လူကြီး၊ လူငယ်များတို့၏ အတွေးများသည် မြန်မာစာပေနှင့် ကဗျာများဘက်သို့ ဦးလှည့်၍နေကြသည်။ လူကြီးများက ရှေးခေတ်က အောက်မေ့ဖွယ်များကို ပြန်လည်သတိရကြသည်။ လူငယ်များက သူတို့၏စိတ်ကူးယဉ် အိပ်မက်များဆီသို့ လှည့်သွားကြသည်။

ကျမကတော့ ကျမ၏ပတ်ဝန်းကျင်တွင် လူကြီးအရွယ်သို့ ရောက်ပြီဟု အများက သတ်မှတ်ကြပါသည်။ သို့သော်လည်း ကျမ၏နှလုံးသားကတော့ ငယ်နေဆဲဖြစ်ပါသည်။ ထို့ကြောင့်ကျမ၏အတွေးများသည် လူကြီးအတွေးနှင့် လူငယ်အတွေးတို့ရောစပ်၍နေပါသည်။ လူကြီးကဲ့သို့ရှေးက ပျော်ရွှင်ခဲ့ပုံများ၊ စိတ်ကြည်နူစရာများနှင့် ကြေကွယ်ဖွယ်ရာများကို ပြန်လည်၍သတိရပါသည်။ တစ်ဖက်တွင်လည်းနေ အနာဂတ်သို့ မျှော်လင့်ချက်များစွာဖြင့် မျှော်ကြည့်မိပါသည်။

ပစ္စုပ္ပန်ကာလကို ရှေးဦးစွာ သုံးသပ်၍ ကြည့်မိပါသည်။ ထိုအခါ ကျမတွေးမိသည်မှာ ယနေ့ခေတ် လူငယ်စာရေးဆရာများသည် အလွန်ပင်ကံကောင်းကြပါသည်။ အကြောင်းမှာ သူတို့၏ရေးသားချက်များကို ထုတ်ဝေပေးသည့်စာပေတိုက်များစွာနှင့် ဂျာနယ်မဂ္ဂဇင်းများစွာရှိနေသောကြောင့် ဖြစ်ပါသည်။ စာပေဆိုင်ရာ နယ်ပယ်အစုံတို့တွင် နှစ်စဉ်ပေးသော ဆုများလည်းရှိပါသည်။ ၄င်းအပြင် စာရေးဆရာများ၏ အခွင့်အရေးများကို ကာကွယ်ပေးသော အဖွဲ့အစည်းလည်း ရှိရန်အတွက် ကြိုးပမ်းနေပါသည်။

(ဒေါ်ခင်မျိုးချစ် ထိုဆောင်းပါးကို ရေးသည့်အချိန်ကား ၁၉၆၆ ခုနှစ် ဒီဇင်ဘာလဖြစ်ပါသည်။ ဘာသာပြန်သူ)

ယနေ့သည် မြန်မာနိုင်ငံ စာရေးဆရာများနှင့် သတင်းစာဆရာများအသင်းကို ဖွဲ့ရန်အတွက် ပြင်ဆင်နေသည့် ကာလဖြစ်ပါသည်။ ယင်းကာလတွင် စာပေအတိုင်းအဝိုင်း၌ ဆွေးနွေးနေကြသော ကိစ္စမှာ စာရေးဆရာဟူသည် အဘယ်နည်း ? ဟူသော မေးခွန်းဖြစ်သည်။ ဤ မေးခွန်း၏အဖြေနှင့် ပတ်သက်၍ ထိုအသင်းဖွဲ့စည်းပုံ၏ မူကြမ်းတွင် လူတစ်ယောက်ကို စာရေးဆရာအဖြစ် အသိအမှတ်ပြုရန်အတွက် ဝတ္ထုရှည် သို့မဟုတ် ဆောင်းပါးများ သို့မဟုတ် ကဗျာများအရေအတွက် တစ်ခုခုကို ပုံနှိပ်ဖော်ပြထားခြင်း ရှိရမည်ဟူ၍ ဖြစ်ပါသည်။

အသင်းဖွဲ့စည်းတော့မည်ဖြစ်သဖြင့် စာရေးဆရာများနှင့် သတင်းစာဆရာများသည် သူတို့၏ လုပ်ငန်းများ အတွက် ကောင်းစွာ အသိအမှတ်ပြုခြင်းခံရစေရန်၊ သူတို့၏ အခွင့်အရေးများကို ကာကွယ်စောင့်ရှောက်နိုင်စေရန် ၊ စာရေးဆရာဟူသည် အဘယ်နည်း? ဟူသောမေးခွန်းကို ကောင်းစွာဖြေနိုင်ဖို့အချိန်ရောက်လာပါပြီ။

ဤနေရာတွင် သတင်းစာဆရာဟူသော အဓိပ္ပါယ် သတ်မှတ်ရန် သူတို့၏လုပ်ငန်း၏ သဘာဝအရ ပြဿနာ မရှိပါ။    အခြားသောလုပ်ငန်းများဖြစ်သည့် ဥပဒေ၊ ဆေးပညာဆိုင်ရာတို့တွင် သက်ဆိုင်ရာလက်မှတ်၊ ထောက်ခံစာလက်မှတ်များစွာကို ပြနိုင်သည်။ ဥပမာ မည်သူမည်ဝါသည် အခြားလူတစ်ဦး၏ ဗိုက်ကိုခွဲခွင့်ရှိကြောင်း လက်မှတ်များကို ပြစရာရှိကြပါသည်။ စာရေးဆရာများတွင်ကော  ဘယ်လိုလက်မှတ်တွေ ပြစရာရှိပါသနည်း? အချို့သော သူများတွင် အချို့သောမဂ္ဂဇင်းများမှ စာမူကို ပယ်လိုက်သည်ဟူသော အကြောင်းကြားစာများနှင့် ပုံမနှိပ်ရသေးသော စာမူများပြစရာရှိပါသည်။ ၄င်းတို့သည် စာရေးဆရာအဖြစ် အသိအမှတ်ပြုခြင်းအတွက် ဘယ်လောက်အထောက်အကူရှိပါမည်နည်း? သိမ်မွေ့သောမေးခွန်းတစ်ခုမှာ - စာရေးဆရာများနှင့် သတင်းစာဆရာများ အသင်းဝင်ဖြစ်ခြင်းသည် စာရေးဆရာဖြစ်ခြင်းကို အသိအမှတ်ပြုရာ ရောက်ပါသလား? ဒီမေးခွန်းနှင့် ပတ်သက်၍လည်း အချို့လူများက စိတ်ပူနေကြပါသည်။

သိထားရသည်မှာ မည်သည့်အောင်လက်မှတ်၊ ဘွဲ့လက်မှတ်၊ ထောက်ခံစာ၊ မည်သည့်အသင်းဝင်ဖြစ်ခြင်းတို့သည် စာရေးဆရာဖြစ်ခြင်းကို သတ်မှတ်နိုင်စွမ်းမရှိပါ။ စာမူအချို့ကို ပုံနှိပ်ဖော်ပြခြင်းသည် သက်ဆိုင်ရာပုဂ္ဂိုလ်အား လူများကအသိမှတ်ပြုခြင်းကို ပြသရာရောက်သည်။ ထိုပုဂ္ဂိုလ်၏အတ္တကိုလည်း အစာကျွေးရာရောက်ပါသည်။ သို့သော်လည်း စာရေးဆရာတစ်ဦးဖြစ်ခြင်း၊ စာရေးဆရာတစ်ဦးအဖြစ် ကျေနပ်မှုရှိခြင်းသည် စာရေးခြင်းအလုပ်အပေါ်တွင် သစ္စာရှိခြင်း၊ နှစ်မြှုပ်ထားခြင်း ပမာဏနှင့်သာဆိုင်ပါသည်။

စာရေးဆရာတစ်ဦးအနေဖြင့် ပထမဦးစားပေးရမည့် အရာသည်ကာ ကိုယ်တိုင် စိတ်ကျေနပ်မှုရှိခြင်းဖြစ်ပါသည်။ လူများ၏အသိမှတ်ပြုခံရခြင်းကို ပြသောအရာဖြစ်သည့်၊ ထင်ရှားသောဂျာနယ်၊ မဂ္ဂဇင်းများတွင် ပုံနှိပ်ခံရခြင်း သို့မဟုတ် ဆုရရှိခြင်း၊ အသင်းအဖွဲ့တစ်ခုခုတွင် ပါဝင်ခြင်းဟူသည်တို့သည်ကား ဒုတိယ၊ တတိယဦးစားပေးသာဖြစ်သင့်ပါသည်။

တက်သစ်စ စာရေးဆရာတစ်ဦးအနေဖြင့် သိထားသင့်သောအရာမှာ စာရေးခြင်းဟူသောအလုပ်သည် အခြားအလုပ်များနည်းတူ ကိုယ်စိတ်နှလုံးနှင့် ဝိရိယတို့ကို များစွာစိုက်ထုတ်ရသော အလုပ်ဖြစ်ပါသည်။ ဧကန်တကယ်ပင် လေ့လာမှုကိုလည်း လုပ်ရပါသည်။

ဒါကိုတော့ ကောင်းစွာသိထားပါ။

ဆေးပညာ၊ ဥပဒေပညာ၊ ဗိသုကာပညာကဲ့သို့သော ပညာရပ်များတွင် နှစ်ပေါင်းများစွာ လေ့ကျင့် ပျိုးထောင်သော နည်းလမ်းများရှိပါသည်။ သို့သော်လည်း လူများ၏ အမြင်မှာ လေးကြောင်းကဗျာလေးတစ်ပုဒ်ကို ညအနည်းငယ်လောက် အိပ်ပျက်ခံ၍ ရေးလိုက်လျှင် ကဗျာဆရာဖြစ်လာပြီဟူ၍ ဖြစ်ပါသည်။ ပညာပါရမီ ထူးခြားသော ပုဂ္ဂိုလ်ကြီးများသည်ပင်လျှင် ဂန္ထဝင်စာတစ်ခုထွက်လာစေရန်အတွက် လေ့ကျင့်မှုနှင့် လေ့လာမှုများစွာကို လုပ်ခဲ့ရပါသည်။ လေ့ကျင့်မှုနှင့်လေ့လာမှုတို့သည် ကျောင်းနှင့် တက္ကသိုလ်များတွင် ပြုလုပ်ရခြင်းမဟုတ်ပါ။ အလွန်ရက်စက်ကြမ်းကြုတ်သော ဘဝတက္ကသိုလ်တွင် ဖြစ်ပါသည်။

ထို့ကြောင့် တက်သစ်စ စာရေးဆရာများအနေဖြင့် သိရမည့်အရာတစ်ခုမှာ ကိုယ့်ကိုယ်ကို အရှိအတိုင်း မြင်တတ်ဖို့ဖြစ်ပါသည်။   ဤနေရာတွင် ကိုယ့်ကိုယ့်ကို အရှိအတိုင်းနှင့် မရှိလျှင် မရှိသည့်အတိုင်း မြင်ရန်အရေးကြီးပါသည်။ Elliot Blackiston ၏  Teach Yourself to Write (ကိုယ့်ကိုယ်ကို စာရေးသင်ပါ) ဟူသော စာအုပ်၏ ရှေ့ဆုံးအခန်းတွင် အဖွင့်စကားကို  ဤသို့ဆိုထားသည်။

“သင်သည် စာရေးဆရာကောင်းဖြစ်ချင်လျှင် သင်၏ လက်နှိပ်စက်ပေါ်တွင် စာလုံးကြီးကြီးဖြင့် ရိုက်ထားမည်ဖြစ်ပါသည်။ ထိုစကားလုံးမှာ HONESTY (ဖြောင့်မတ်ခြင်း) ဖြစ်ပါသည်။ အကယ်၍ အင်္ဂလိပ်အဘိဓာန်တွင် ဤစကားလုံးကို အဓိပ္ပါယ်ဖွင့်ထားပုံကို ဖတ်ကြည့်မည်ဆိုလျှင် တရားမျှတခြင်း၊ ပွင့်လင်းခြင်း၊ ဖြောင့်မတ်ခြင်း၊ ရိုးသားခြင်း၊ မှန်ကန်ခြင်းဟူသော အရည်အတို့ကို တွေ့ရမည်ဖြစ်သည်။ အဘိဓာန်ထဲတွင် အပေါ်ယံအားဖြင့် အဓိပ္ပါယ်သက်မှတ်ချက်တစ်ခုဟူ၍ သာမြင်နိုင်မည်ဖြစ်သော်လည်း စာရေးဆရာဖြစ်ချင်သူ မည်သူ့အတွက်မဆို လမ်းပြအိမ်မြောင်ပမာဖြစ်သော စကားစုလေးးတစ်ခုကို တွေ့နိုင်ပါသည်။ ထိုစကားစုလေးသည် အားကိုအားထားစရာဖြစ်ပါသည်။ ယင်းစကားစုလေးမှာ သိပ်လေးလေးနက်နက်တော့မဟုတ်ပါ။ ရှင်းရှင်းလင်းလင်းဖြစ်ပါသည်။ ၄င်းမှာအတုအပမှာ ကင်းခြင်း၊ လိမ်ညာခြင်းကင်းခြင်း၊ လှည့်စားခြင်းကင်းခြင်း၊ မာယာဥာဏ်တို့မှ ကင်းခြင်းဟူ၍ ဖြစ်ပါသည်။

စာရေးဆရာဖြစ်ချင်သောသူသည် ဤမေးခွန်းကို မလိမ်မညာဘဲ ဖြောင့်မှန်စွာ မှန်ကန်စွာဖြေနိုင်ရပါမည်။ ဤမေးခွန်းမှာ လွယ်လွယ်ရှင်းရှင်းလေးဖြစ်ပါသည်။

ဘာကြောင့် စာရေးဆရာဖြစ်ချင်တာလည်း မေးခွန်းက လွယ်သလောက်၊ မလိမ်မညာဘဲ ဖြောင့်မတ်စွာ ဖြေဖို့ တော်တော်ခက်ပါသည်။ အဖြေများစွာရှိပါသည်။ ဥပမာ- အောင်မြင်ကျော်ကြားသော စာရေးဆရာများကို ကြည့်၍အားကျပြီး သူတို့ကဲ့သို့ဖြစ်ချင်သောကြောင့် ဖြစ်သည်။ သာမန်စားပြီး အိပ်နေသော သတ္တဝါတစ်ဦး၏ ဘဝထက်ပိုသော ဘဝကို ပိုလိုချင်၍ဖြစ်သည်။ ဘဝသစ်တစ်ခုကို လက်ဖြင့် ဖန်တီးလိုသောကြောင့် ဖြစ်သည်။

စာရေးဆရာဖြစ်ချင်သောအကြောင်းများစွာရှိနိုင်ပါသည်။ စာရေးဆရာဖြစ်ချင်သော သူအတွက် အရေးကြီးသောအရာမှာ ခံနိုင်ရည်ရှိဖို့ဖြစ်သည်။ ဆိုလိုသည်မှာ နှစ်ပေါင်းချီ၍ လျစ်လျူရှုခံရခြင်း၊ အထီးကျန်အဖော်မဲ့ခြင်း၊ အလုပ်လုပ်ရခြင်းတို့ကို ခံနိုင်ရန်လိုပါသည်။ အဖွဲ့အစည်းများသည် အမြတ်ထုတ်လိုသော ထုတ်ဝေသူများ၏ အန္တရယ်မှ ကာကွယ်ပေးကောင်းပေးနိုင်ပါလိမ့်မည်။ သို့သော်ကြိုးပမ်းမှု၊ လေ့လာမှုတို့ကို အစားထိုးနိုင်သောအရာမရှိပါ။ စာရေးဆရာကိုယ်တိုင် ဇောက်ချ၍လုပ်ရသောအလုပ်ကို အစားထိုးနိုင်သောအရာလည်း မရှိပါ။ ဘယ်သူ့အကူအညီမှမပါဘဲ စာရေးဆရာကိုယ်တိုင်လုပ်ရမည့် အလုပ်များစွာရှိပါသည်။ စာရေးသောအလုပ်သည် စာရေးဆရာအပေါ် လေ့လာမှု၊ ဝိရိယ၊ စောက်ချနိုင်မှု၊ အားထုတ်မှုများစွာကို တောင်းဆိုသော အလုပ်ဖြစ်ပါသည်။

ရုန်းကန်နေဆဲ စာရေးဆရာများသည်လည်းကောင်း၊ အခြေခိုင်ပြီးသော စာရေးဆရာများသည်လည်းကောင်း၊ မကျေနပ်ချက်တစ်ခုနှင့် ပတ်သက်၍  ညည်းညူကြသည်ကို ကြားရပါသည်။ သူတို့သည် တရားမျှတမှု မရှိသော ထုတ်ဝေသူများနှင့် စာဖတ်ပရိသတ်တို့၏ဒဏ်ကို အမြဲတမ်းခံနေရသည် ဟူ၍ ဖြစ်ပါသည်။ ဤကိစ္စနှင့်ပတ်သက်၍ သက်သာအောင် လုပ်ပေးနိုင်သော နည်းလမ်းများရှိပါသည်။  သို့သော် စာရေးသားခြင်း၏ အနုပညာဖန်တီးမှုကို မူကား မည်သည့်အရာ မည်သည့်ပုဂ္ဂိုလ်မှ အထောက်အကူမပေးနိုင်ပါ။ ဥပမာပြောရလျှင် မိခင်၏ဝမ်းဗိုက်ထဲမှ ကလေးကို မွေးဖွားလာစေရန်အတွက် အချိန်ရောက်ရန် မည်သည့် သိပ္ပံနည်းပညာများက မတတ်နိုင်သကဲ့သို့ ဖြစ်သည်။ စာရေးဆရာ၏ အခန်းကဏ္ဍာန်သည် ရယူခြင်းမဟုတ်၊ ပေးဆပ်ရခြင်းဖြစ်သည်ကို သတိပြပါ။

ထို့ကြောင့် စာရေးဆရာများအတွက် အလုပ်ကို ဇောက်ချခြင်း၊ ရုန်းကန်ခြင်းတို့သာလျှင် လုပ်ရန်နှင့် လွဲ၍ အခြားနည်းမရှိပါ။ ကျွန်မကိုယ်တိုင်သည် နှစ်ပေါင်းလေးဆယ် စာရေးသည့်အလုပ်ကို လုပ်ခဲ့ပါသည်။ ရုန်းကန်မှုနှင့် အလုပ်ကြိုးစားမှုကသာ အောင်မြင်မှုကို ဖြစ်စေပါသည်။

ခင်မျိုးချစ် (၁၇၊ ဒီဇင်ဘာ ၁၉၆၆)

( ဘာသာပြန်သူ၏ မှတ်ချက် -  မေမေက စာရေးဆရာ ဘာကြောင့် ဖြစ်ချင်သနည်းဟူသော မေးခွန်းလို မလိမ်မညာဘဲ မှန်မှန်ကန်ကန် ဖြေဖို့ပြောပါသည်။ ကျွန်တော် ကိုယ်တိုင် မလိမ်မညာဘဲ မှန်မှန်ကန်ကန်ဖြေရလျှင် အောင်မြင်ကျော်ကြားသော စာရေးဆရများကို မြင်၍ သူတို့လိုဖြစ်ချင်သောကြောင့် ဟု ဖြေရပါမည်။ ဒီအဖြေကိုမေမေသိကြားလျှင် ဘာပြောမည်နည်း။ ဒါဆိုရင် မင်းဟာ စာရေးဆရာမဖြစ်ထိုက်ဘူး ဟုပြောမလား။ မင်းက မလိမ်မညာဘဲ မှန်မှန်ဖြေတတ်တာတော့ မဆိုးဘူးလို့ ပြောမလား။ မေမေက စာရေးဆရာဟူသည် ရယူခြင်းမဟုတ် ပေးဆပ်ရခြင်းလို့ ဆိုသော်လည်း ကျွန်တော်ကတော့ ဘာတွေရမည်လဲ ဆိုတာကိုပဲ တွက်ကြည့်နေမိပါတယ်။ (ဒေါက်တာခင်မောင်ဝင်း))

 

လူထုဒေါ်အမာ – ရေးဖော်မကြီးရေ သွားနှင့်သလား … (မိုးမခ) သြဂတ်စ် ၂၅၊ ၂၀၁၅

ရွှေအမြုတေ၊ အမှတ်- ၁၁၁၊ ၁၉၉၉ ဖေဖော်ဝါရီလတွင် ဖော်ပြခဲ့သည့် ဆောင်းပါးဖြစ်ပါသည်။

ကျွန်မသမီးက ‘ အမေ မောင်စွမ်းရည်က ဖုန်းဆက်ခိုင်းလို့တဲ့၊ ကိုပေါက်စည် ဖုန်းဆက်တယ်။ ဒေါ်ခငမျိုးချစ် ဆုံးပြီတဲ့။  နက် ဖြန် (၁၀) နာရီမှာ သဂြိုဟ်မှာတဲ့’ လို့ ဇန်နဝါရီလ (၂) ရက်နေ့ကပြောတော့ ကျွန်မစိတ်ထဲ ဟင်ခနဲဖြစ်သွားတယ်။
ကျွန်မကို လွန်ခဲ့တဲ့ (၂) ရက်တုန်းကမှ အိမ်ရောက်လာတဲ့ ရန်ကုန်ကမိတ်ဆွေတစ်ယောက်က ဒေါ်ခင်မျိုးချစ် အခုတလော ကျန်းမာရေး တော်တော်ကောင်းနေတယ်လို့ပြောလို့ ကျွန်မက ဝမ်းသာခဲ့သေးတာ။ ကောင်းပါလေ့ ကောင်းပါလေ့။ သူ့ကို ဂျပန်ပြည်ရောက် မြန်မာတွေက ဒီနှစ်ကန်တော့ကြမလို့်တဲ့။ ကျွန်မကို တယ်လီဖုန်းနဲ့သတင်းပေးကြပြီး ‘အမေ ဒေါ်ခင် မျိုးချစ်ကို ကျန်းမာအောင်နေဖို့ ပြောပေးပါ၊ ကျွန်တော်တို့ သူ့ကို နှစ်ဆန်းတော့ ကန်တော့လာကြမှာ’ လို့ အပြောခိုင်းတာနဲ့ ကျွန်မက လူကြုံနဲ့ သူ့ဆီ သတင်းပို့လိုက်သေးတယ်။ ခုလို သူ့ကျန်းမာရေးကောင်းလာတယ်ဆိုတော့ ဒါဆိုရင် သူအိပ်ရာ ပေါ်မှာ ထိုင်ပြီးများ အကန်တော့ခံနို်င်မလားလို့ အောက်မေ့ပြီး ဝမ်းသာနေမိပါတယ်။
ဝမ်းသာခဲ့တာမှ ၂ ရက်၊ ၃ ရက်ပဲ ရှိဦးမယ်။ ခုတော့ သူက ဆုံးပြီတဲ့လေ။ သြော် … သေခြင်းတရား သေခြင်းတရား ဘာမှမမြဲ၊ သူပဲ မြဲပါကလား။
သူရယ်၊ ဒေါ်မာလာရယ်၊ ကျွန်မရယ်၊ ဒေါ်ရီကြိန်ရယ်၊ ဒေါ်မီမီခိုင်ရယ်က တစ်ခုတည်း သမီးတွေ။ ၁၉၁၅ခု ဖွားတွေ၊ လပဲ ကွာကြတာမို့ လကြီး လငယ်တွေ။ ဒေါ်နုယဉ်ကတော့ ၁၉၁၆ခု ဖွား။ ဒါပေမယ့် သူက နှစ်ဆန်းစမို့ ကျွန်မထက် နည်းနည်းပဲ ငယ်တယ်။
ဒေါ်နုယဉ်က ကျွန်မတို့ အမျိုးသမီး စာရေးဆရာတွေထဲမှာ ကဗျာစွမ်းတဲ့ သူလေ။ သူက ကဗျာတင် ကောင်းတာမဟုတ်ဘူး။ အိမ်ထောင်ရေးလည်း ကျွန်မတို့အားလုံးထက် ကံကောင်းတယ်။ ခုထက်ထိ ဆရာတက်တိုးနဲ့အတူ အသက် (၈၀) ကျော် လင်စုံမယားဖက် ကျန်းကျန်းမာမာ စာတွေ ရေးနေကြသေးတာမို့ သူတို့ကို သတိရတိုင်း မုဒိတာစိတ်နဲ့ သာဓုခေါ်မိပါတယ်။
ဒေါ်မာလာကတော့ ကျွန်မတို့ စာရေးဆရာတွေထဲမှာ ရှားရှားပါးပါး ဟာသနှောပြီး အတို့အဆိတ် အထေ့အငေါ့ အကလိစာမျိုး ရေးစွမ်းတယ်။ ဒေါ်မာလာရယ်၊ မရီကြိန်ရယ်၊ ခင်သန်းမြင့်ရယ်၊ စောမုံညင်းရယ်က ကျွန်မနဲ့ တစ်ကျောင်းတည်းထွက်တွေ။ ဒေါ်မာလာက လွန်ခဲ့တဲ့ (၃) နှစ်လောက်က ဆုံးရှာပြီ။
ဒေါ်ခင်မျိုးချစ်နဲ့ ဒေါ်မီမီခိုင်တို့က ကျွန်မတိုိ့ မြန်မာအမျိုးသမီးထဲ အင်္ဂလိပ်လို စာရေးနိုင်တဲ့သူတွေလေ။ ဒေါ်မီမီခိုင်က ကျွန်မတို့ အင်းလျားမှာ တစ်စားပွဲတည်း ထမင်းစားခဲ့ကြတဲ့ အတန်းတူ ကျောင်းနေဖက်။ ခုတော့ ကျန်းမာရေး ချို့တဲ့ရှာလို့ စာတွေအများကြီး မရေးနိုင်ရှာဘူး။ ကျွန်မတို့ ဒေါ်ခင်မျိုးချစ်က သူ့ထက် ပိုရေးနိုင်တယ်။ ကျွန်မက အင်္ဂလိပ်လို ရေးဖော်ရ သူတွေကို သိပ်ကျေနပ်တာ။ သူတို့အတွက် ဝမ်းမြောက်တယ်၊ ဂုဏ်ယူတယ်၊ ကျေးဇူးတင်တယ်လေ။ သူတို့ရှိတဲ့အတွက် ကျက်သရေရှိတယ် မဟုတ်လား။
ဒေါ်ခင်မျိုးချစ် အင်္ဂလိပ်လို စာအရေးကောင်းလို့များ ဦးခင်မောင်လတ်နဲ့ အကြောင်းပါသလားတော့ မသိဘူး။ သူ့ယောက်ျား ဦးခင်မောင်လတ်က ကျွန်မနဲ့ ဥပစာကောလိပ်မှာ ကျောင်းနေဖက်သူငယ်ချင်းပါ။ သူက အဲဒီတုန်းကတည်းက အင်္ဂလိပ်စာ တော်သူပါ။ ကျွန်မတို့က သူ့ကို အင်္ဂလိပ်လို မှတ်စုထုတ်ခိုင်းနေကျ။ သူ့နာမည်က ကိုခင်မောင်လတ်ဆိုပေမယ့် သူ့အရပ်ကြီး က အရှည်ကြီးမို့ တစ်ကျောင်းလုံးက သူ့ကို ခင်မောင်လတ်လို့ ဘယ်သူကမှ မခေါ်ကြဘူး။ ‘အရှည်ကြီး’ ပဲ ခေါ်ကြတာပါ။
ဒေါ်ခင်မျိုးချစ်နာမည်ကတော့ မခင်မြတဲ့။ သူနဲ့ ကျွန်မနဲ့က ကျောင်းတုန်းက မတွေ့ခဲ့ဖူးဘူး။ သူက ဦးလှကို ကျွန်မအရင် သိတယ်။
သူနဲ့ကျွန်မ စာရေးတဲ့ အမျိုးသမီးအချင်းချင်းဆိုတော့ ငယ်ကတည်းက ချစ်ကျွမ်းဝင်ပါတယ်။
ကျွန်မက အသက် (၆၇) နှစ်မှာ လူထုဦးလှဆုံးသွားတော့ မုဆိုးမဖြစ်တယ်။ ဦးခင်မောင်လတ်နဲ့ ဒေါ်ခင်မျိုးချစ်တို့က အသက် (၈၀) ကျော်အထိ အိုအောင်မင်းအောင် အတူနေရတယ်။ ဒေါ်ခင်မျိုးချစ် မမာမကျန်း ဖြစ်တယ်။ အိပ်ယာကျောကပ် ဖြစ် တယ်ဆိုတော့လည်း ဦးခင်မောင်လတ်က ကလေးတွေကို အင်္ဂလိပ်စာသင်ရင်း သူ့ဇနီးကို ပြုစုနေတာကလား။ ကျွန်မက လူကြုံရှိတဲ့အခါ ဒေါ်ခင်မျိုးချစ်ကြိုက်တတ်တဲ့  မန္တလေး အစားအစာကလေးတွေ ပို့ပေးတယ်။
ဒီလိုနေရင်းနဲ့  တစ်နေ့တော့ ‘ဦိးခင်မောင်လတ် ဆုံးသတဲ့’ ဆိုတဲ့ သတင်းဆိုးကို နာသံမကြား၊ ဖျားသံ မကြားရဘဲ ကြား လိုက်ရတယ်။ ကျွန်မစိတ်ထဲ ‘အိပ်ယာထဲလဲနေတဲ့သူက ဘာမှမဖြစ်၊ သူ့ကိုပြုစုနေတဲ့သူက ဆုံးတာတဲ့လား။ သေခြင်းတရား များကလည်းနော်၊ ထင်တာမဖြစ်၊ မထင်တာဖြစ်တာကိုးလို့ ရေရွတ်ရင်း ဦးခင်မောင်လတ်ကြီးက ဘာဖြစ်သွားတာတဲ့တုန်း လို့မေးတော့ ရုတ်တရက်ဖြစ်ပြီး ကွယ်လွန်ရှာတာပဲ၊ နှလုံးပဲထင်ပါရဲ့လို့ သိရပါတယ်။
ဒါကြောင့် ကျွန်မက ဒေါ်ခင်မျိုးချစ်အတွက် စိတ်ပူသွားတယ်။ ဒီမိန်းမကြီးတော့ ကြာကြာမခံတော့ဘူးလို့လည်း အောက်မေ့ လိုက်တယ်။ သူက အိပ်ရာပေါ်က ယဲ့ယဲ့ အနေအထားကိုး။ ဒါပေမယ့် အများသိကြတဲ့အတိုင်းပါပဲ။ ဒေါ်ခင်မျိုးချစ်က လူက သာ မမာတာပါ။ သူ့အသည်းက မာပါတယ်။ သူက နှစ်ပေါင်း (၆၀) ကျော် ပေါင်းသင်းလာတဲ့ ခင်ပွန်း၊ သူ့ကို ပြုစုနေရင်း ရုတ်တရက် ကွယ်လွန်ပေမယ့် ကြံ့ကြံ့ခံပါတယ်။ သူ့ပြုစုမယ့်လူ ဦးခင်မောင်လတ်မရှိတဲ့နောက် သူ (၂) နှစ်နဲ့ (၆) လ အသက်ရှည်သေးတယ်။
ဒေါ်ခင်မျိုးချစ်ရဲ့ သတ္တိနဲ့ ဗျတ္တိကို ကျွန်မက သိပြီးသား၊ အထင်ကြီးပြီး လေးစားပြီးသားပေမယ့် သူ့ကို  ပြုစုနေရှာတဲ့ လင် တစ်ယောက်လုံး အခုလို ဗြုန်းခနဲသေသွားတာကို သူခံနိုင်တယ်ဆိုတော့ သူ့အသည်းမာပုံကို အံ့လို့မဆုံးဘူး။
ဒါကြောင့် သူ ၈၃ နှစ်ပြည့်မွေးနေ့တုန်းက ကျွန်မက ‘အသည်းမာတဲ့ ရေးဖော်မကြီးရေ’ လို့ ဆိုပြီး  စာရေးလိုက်သေးတယ်။ လက်ဆောင်ကလေး ပို့လိုက်သေးတယ်။
သူနဲ့ကျွန်မက ရန်ကုန်နဲ့ မန္တလေးမို့ အနေဝေးကြပေမယ့် သူ့သတင်းကို ကျွန်မက မပြတ်တမ်း နားစွင့်နေတာ။ ရွှေကူမေနှင်းတို့ မောင်စွမ်းရည်တို့ကလည်း ကြုံတိုင်း ဒေါ်ခငမျိုးချစ်သတင်း ကျွန်မဆီပို့နေကြတာ။ သူ မမာနေရှာတာ ကြာပြီပဲ။ သူ့ကို သွား ကြည့်လိုက်ရင် နှစ်တွေလတွေကြာအောင် ခံနိုင်မယ့် ခံနို်င်ရည် မရှိရှာတော့ပါဘူးလို့ပဲ ထင်ကြရတယ်။ နို့ပေမယ့် သူက သူ့မွေးနေ့တွေကိ်ု  အိပ်ရာထဲကနေပြီးကျင်းပခဲ့တာ ဘယ်နှ နှစ်မှန်း မသိဘူး။ ဒါကြောင့် ကျွန်မက သူ့ကို သက္ကရာဇ် ၁၉၉၉ ခုထဲ (၂) ရက်ပဲ ဝင်ရသေးတယ်၊ သူက ဆုံးပြီတဲ့။
ကျွန်မတို့ မြန်မာမှုကလေးတွေ၊ မြန်မာ့အကြောင်းကလေးတွေ မြန်မာစာ မဖတ်တတ်တဲ့ အင်္ဂလိပ်စာဖတ်တဲ့သူတွေ ဖတ် နိုင်အောင် သူ မရေးတော့ဘူးပေါ့။ ‘ရှင့်နေရာမှာ အစားဝင်မယ့်လူ မမြင်သေးလို့ ရှင့်ကို နှမြောလိုက်ပါဘိတော့တယ် ဒေါ် ခင်မျိုးချစ်ရယ်’ ။ အင်္ဂလိပ်လို စာရေးနိုင်တဲ့ ကျွန်မတို့ မြန်မာစာရေးဆရာမကြီးကဖြင့် ဘဝနိဂုံး အဆုံးသတ်သွားပြီတဲ့လေ။
သြော် … နှမြောလိုက်ပါဘိတော့။
(ရွှေအမြုတေ၊ အမှတ်- ၁၁၁၊ ၁၉၉၉ ဖေဖော်ဝါရီလ )

   
လူထု ဒေါ်အမာ – လွမ်းပါဘိတယ် ရေးဖော်မကြီးရယ်
(မိုးမခ) သြဂတ်စ် ၂၆၊ ၂၀၁၅

=======

ကိုင်း – ပြောလိုက်စမ်းမယ်၊ သောင်းပြောင်းထွေလာ။

ကျွန်မသမီး စာအုပ်ဆိုင်ထဲမှာ “ကိုင်း – ပြောလိုက်စမ်းမယ် သောင်းပြောင်းထွေလာ” ဆိုတဲ့ စာအုပ်ကလေး ရောက်လာတာ တွေ့လိုက်တော့  အဖုံးပေါ်က ဒေါ်ခင်မျိုးချစ်ပုံကလေးကို မြင်လိုက်ရတာ၊ သူ့ကို ရုတ်တရက် တကယ်ပဲ တွေ့လိုက်ရ သလို ဝမ်းသာသွားမိတယ်။ဒါကြောင့် မနေနိုင် မထိုင်နိုင် အဲဒီစာအုပ်ကလေးဆွဲယူပြီး အဖုံးကဓာတ်ပုံကို အကြာကြီး အလွမ်းပြေ ကြည့်နေမိတယ်။သြော်- အနိစ္စ၊ အနိစ္စ။ လင်ရော မယားရော မရှိရှာကြတော့ဘူးလေ။ ဖြစ်ရပုံများ ဦးခင်မောင်လတ်ကြီးက သူ့အရင် ကွယ် လွန်ရှာသတဲ့။ကျွန်မက ဦးခင်မောင်လတ်ကို ဒေါ်ခင်မျိုးချစ်အရင် သူတို့ချင်း မသိခင်ကတည်းက သိတယ်ထင်ပါတယ်။ သူက မုံရွာသား၊ သူနဲ့ကျွန်မက ကျောင်းနေဖက်သူငယ်ချင်း။ ကျွန်မတို့ မန္တလေး (၁၀) တန်းအောင်တဲ့နှစ်မှာ သူကလည်း မုံရွာက (၁၀) တန်း အောင်ခဲ့ပြီး မန္တလေး ဥပစာကောလိပ်မှာ လာဆုံကြတယ်။ ၁၉၃၃ – ၃၄ – ၃၅ ခု များမှာပေါ့။သူ့နာမည်ကို မသိပါဘူး။ တစ်ကျောင်းလုံးက သူ့ကို “အရှည်ကြီး” လို့ ခေါ်ကြတော့ ကျွန်မတို့ကလည်း  “အရှည်ကြီး” လို့ ပေါ့။ လူက ပိန်ပိန်ရှည်ရှည်ကြီးကိုး။ ပြီးတော့ အင်္ဂလိပ်စာတော်တယ်ဆိုတဲ့ သူ့သတင်းက ဥပစာ ပထမနှစ်မှာပဲ ထွက်နေတဲ့ သတင်း။ အဲဒီတော့ ဒီလုိလူကို ကျွန်မတို့က ဘယ်အလကားထားနိုင်ပါ့မလဲ။ မှတ်စုတွေ ဝိုင်းအရေးခိုင်းကြတာပေါ့။ အရှည် ကြီးက ဘာခိုင်းခိုင်း ရယ်ဖြဲ ရယ်ဖြဲနဲ့ ညတွင်းချင်းလုပ်ပေးတာပဲ။ နောက်မနက်ဆိုရင် သူ့ဆီက အင်္ဂလိပ်လိုရေးလာတဲ့  မှတ်စုရတာပဲ။ သူလာတဲ့အခါ တခြားကျောင်းသားတွေက “မိုးထိအောင် လှေကားထောင် အရှည်ကြီး၊ အရှည်ကြီး” နဲ့ ဝိုင်း သံချပ်ထိုးကြတာပဲ။ အဲဒီတော့လည်း သူက ရယ်နေတာပဲ။ ဦးလှနဲ့ ဒေါ်ခင်မျိုးချစ်တို့ကလည်း ကျွန်မနဲ့ဦးလှ မသိခင်ကတည်းက အသိအကျွမ်းဖြစ်နေကြပါတယ်။  ကျွန်မလည်း နေရှင် နယ်ကျောင်းထွက်၊ သူလည်း နေရှင်နယ်ကျောင်းထွက်။ ဒါပေမယ့် သူနဲ့ကျွန်မ ဘယ်ကျောင်းမှာမှ မတွေ့ခဲ့ဖူးဘူး။ ဦးလှနဲ့ ကျတော့ ဒေါ်ခင်မျိုးချစ်က ရန်ကုန်မှာ လူငယ်များ ကြီးပွားရေးအသင်းကကျင်းပတဲ့ စကားရည်လုပွဲတစ်ခုမှာ ဒေါ်ခင်မျိုးချစ် ဝင်စကားပြောတဲ့ဓာက်ပုံ ကျွန်မဆီမှာ ရှိတယ်လေ။ ဦးလှယူလာတဲ့ ဓာတ်ပုံပေါ့။
ဒေါ်ခင်မျိုးချစ်နဲ့ ဦးခင်မောင်လတ်တို့ အိမ်ထောင်ပြုကြတာ ကျွန်မတို့နဲ့ တစ်နှစ်တည်းပါပဲ။ သူတို့နှစ်ယောက်နဲ့ ကျွန်မတို့နှစ် ယောက် ကျင်လည်ကြတဲ့ ဘဝတွေက တစ်ဦးနဲ့တစ်ဦး ဝေးကြတာမှ မဟုတ်ဘဲကလား။ အဲဒီတော့ နဂိုက ခင်မင်ရင်းစွဲတွေမို့ တစ်ဦးနဲ့တစ်ဦး လေးစားချစ်ခင်မှုက အလိုလို ဖြစ်လာတော့တာပေါ့။
ကျွန်မ မှတ်မိသေးတယ်။ တစ်ခါတော့ သူတို့လင်မယား မန္တလေးကိုလာကြတယ်။ ကျွန်မတို့က ထမင်းကျွေးတော့ ကျွန်မ ကျွေးတဲ့ ဟင်းစပ်က ထမင်းမြိန်ကြလွန်းလို့တဲ့၊ ထမင်းစားပြီးတဲ့အခါ လင်မယားနှစ်ယောက် ထိုင်မနေနိုင်လို့ အိမ်ပေါ်မှာ လမ်းလျှောက်နေကြရတယ်။ ကျွန်မက ဘာနဲ့ကျွေးတာလဲ မေးပါဦး။ နှမ်းဖတ်ချဉ်သုပ်နဲ့ ဘူးသီးနဲ့ ကြက်သားပြွန်း ဟင်းနဲ့ပါ။ ဒီထမင်းစားပွဲအပြီးမှာ သူတို့ကလည်း ပြောလို့မဆုံး၊ ဝမ်းသာလို့မပြီး၊ ကျွန်မတို့ကလည်း ပျော်လို့ရွင်လို့၊ နောက် လာခဲ့ကြဦး နော်လို့ မှာရတာ အထပ်ထပ်။
ဒေါ်ခင်မျိုးချစ်ပန်းခြံထဲမှာ ပန်းပင်တွေနှိုက်ရင်းနဲ့ တစ်နေ့တော့ ပိုးကောင်တစ်ကောင်က မျက်နှာကို ဝင်ကိုက်သွားလို့တဲ့။ သူ့ မျက်နှာ နီပြီး ရောင်နေရစ်တယ်။ အဲဒီပိုးကိုက်ရာဟာ မပျောက်ဘဲနဲ့ တစ်နေ့တစ်ခြား ဆိုးဝါးလာလိုက်တာ အနာကြီးရောဂါနဲ့ တူတူလာပြီး ဒီရောဂါဟာ သေရာပါရှာပါရောလား။
သူ မကျန်းမာနေတော့လည်း ကျွန်မက လူကြုံရှိရင် သူကြိုက်တဲ့ အညာစာ၊ မန္တလေးစာကလေးတွေကို ထည့်ထည့်ပို့တယ်။ ပို့တိုင်း သူ့ဆီက စားလို့ဘယ်လိုကောင်းတာ၊ ဘယ်လိုမြိန်တာဆိုတဲ့ သတင်းရတယ်။ သူ့မွေးနေ့ဆိုရင်လည်း ကျွန်မက လူမ သွားနိုင်ပေမယ့် သူ့ဆီကို သတိတရ စာအမြဲတမ်းရေးတယ်။ သူ့စာအုပ်ထွက်ရင် ဘာထွက်ထွက် ကျွန်မတို့ဆီကို အမှတ်တရ သူကပေးသလုိ၊ ကျွန်မတို့ကလည်း စာအုပ်ထွက်ရင် သူတို့လင်မယားကို မမေ့ဘူး၊ ပို့တာချည်းပါ။
ဒေါ်ခင်မျိုးချစ် အိပ်ရာကျောကပ်ဖြစ်တာ တော်တော်ကြာပါပြီ။ အဲဒီကာလအတွင်း ကျွန်မ သူ့ဆီကို သုံး ခေါက်ပဲရောက်ပါတယ်။ ရောက်တဲ့အခေါက်တိုင်း သူ့ကြည့်ရတာ နာလန်ပြန်ထူမယ် မထင်ဘူးလို့ အောက်မေ့ ခဲ့တာချည်းပဲ။ ဦးခင်မောင်လတ်ကတော့ ကျန်းလည်းကျန်းမာတယ်။ သူ့ဇနီးကိုလည်း ကြင်ကြင်နာနာ စိတ်ရှည် လက်ရှည် ပြုစုရှာတယ်။ တစ်နေ့တော့ လူမမာကို ပြုစုနေတဲ့ ဦးခင်မောင်လတ် ရုတ်တရက် ဆုံးသွားတယ်လို့ သတင်းကြားရတော့ ကျွန်မကို အံ့သြလို့။ လူ့ဘဝဆိုတာများ ဆန်းလိုက်တာ။ မထင်တာလဲ ဖြစ်တာပဲနော်လို့လည်း အောက်မေ့မိတယ်။ ပြီးတော့ ယဲ့ယဲ့ရှိရှာတဲ့ ဒေါ်ခင်မျိုးချစ်တစ် ယောက်တော့ ကြွေရှာတော့မယ်လို့ အောက်မေ့ပြီး သူ့သတင်းကို မကြားချင်ပေမယ့် ကြားရခါနီးပြီလို့ ထင်ခဲ့တယ်။
အဘိုးကြီး အဘွားကြီး လင်မယားနှစ်ယောက် ရှိကြရင် တစ်ယောက်သေမင်းနောက်လိုက်သွားရရင် ကျန်တစ်ယောက်က ကြာကြာအသက်ရှည်ပြီး ကျန်မနေရစ်တက်ဘူး။ ကျန်းမာရေးကောင်းနေသေးတယ်ဆိုပေမယ့် စိတ်ဓာတ်ကျပြီး သေရာ လိုက်ကြတာပဲ။ ကြာကြာတစ်ယောက်တည်း မနေရစ်တက်ဘူး။ ဒါကြောင့် မမာနေရှာတဲ့  ဒေါ်ခင်မျိုးချစ်အတွက် ကျွန်မက ကြောင့်ကြတယ်။
နို့ပေမယ့် ဒီလူမမာက အသည်းမာလိုက်တာ၊ အံ့မခန်းလိလိ။ ဦးခင်မောင်လတ် ဆုံးပြီးတဲ့နောက် နှစ်နှစ်ကျော် သူက အ သက်ရှည်နေပါသေးတယ်။ ဒါကြောင့် ဒေါ်ခင်မျိုးချစ်လို စိတ်ဓာတ်မာတဲ့အမျိုးသမီးကတော့ ရှာမှ ရှားပါပဲလို့ လက်ဖျားခါ မိပါတယ်။
ကျွန်မကို ဂျပန်ပြည်ရောက် မြန်မာအမျိုးသားတွေက ၁၉၉၈ ခု တုန်းက ကန်တော့ခဲ့သလို သူတို့က “ဒီ ၁၉၉၉ ခုနှစ်မှာ စာရေးဆရာမကြီး ဒေါ်ခင်မျိုးချစ်ကို ကျွန်တော်တို့က ကန်တော့မှာ။ ဒါကြောင့် ဆရာမကြီး ကျန်းမာအောင်၊ အသက်ရှည် အောင်နေပါလို့ ပြောပေးပါ” လို့ မှာပါတယ်။ သူတို့ပြောလို့ ကျွန်မက ၁၉၉၈ ခုမကုန်ခင်တုန်းက ဒေါ်ခင်မျိုးချစ်ဆီကို ဒီ သတင်းပို့တယ်။ သူ အကန်တော့ခံရမှာပဲ။ မမာပေမယ့် အိပ်ရာပေါ်ကနေပြီး အကန်တော့ခံမှာပဲလို့လည်း ထင်တယ်။ နို့ပေမယ့် ၁၉၉၉ ခု နှစ်ဆန်း (၂) ရက်နေ့မှာ သူက ကွယ်လွန်သွားရှာတယ်။
သူဆုံးပြီးဆိုတော့ ရေးဖော်မကြီးတစ်ယောက် ဘဝနိဂုံး အဆုံးသတ်သွားရှာပြီကောလို့ နှမြောလိုက် တာ။ နှမြောတယ်ဆိုတာ ရိုးရိုးနှမြောတာအပြင် သူရေးတဲ့လိုင်း ကိုယ်မရေးနို်င်တာမို့ ပိုပြီး နှမြောရပါတယ်။   အင်္ဂလိပ်လို လူတန်းစေ့အောင် ရေးနိုင်တဲ့ မြန်မာအမျိုးသမီးတစ်ယောက်မို့ သာလို့ နှမြောမိပါသေးတယ်။
ခု သူသောင်းပြောင်းထွေလာမှာရေးခဲ့တဲ့ ဆောင်းပါးတချို့ စုပေါင်းပြီး စာအုပ်ကလေးလုပ်ထားလို့ အလွမ်းပြေ ဖတ်ကြည့် လိုက်တော့ သူနဲ့ကျွန်မနဲ့ လူချင်းတစ်ခါ ပြန်ဆုံကြပြီး သူပြောနေတာတွေ နားထောင်ရသလို သူ့ဆောင်းပါးတွေက သူ့အ သံတွေ ထွက်နေတယ်လေ။
သူ့ဆောင်းပါးတွေထဲမှာ ကျွန်မတို့ မြန်မာတွေ အင်္ဂလိပ်စာသင်ကြပေမယ့် သင်တဲ့လူတိုင်း တတ်ကြတာမဟုတ်ဘူး၊ တကယ် တတ်ချင်ရင် ဘယ်လိုသင်ကြဆိုတဲ့ အကြံပြုချက်တွေပါတယ်။ သူ့အကြံပြုချက်တွေက တကယ်အဖိုးတန်တာတွေပါ။ ဒါ ကြောင့် လူငယ်လူရွယ်တွေ အင်္ဂလိပ်စာကို အဲဒီလို နည်းမှန်မှန် လမ်းမှန်မှန် သင်ယူတတ်အောင် ကျောင်းသားလူငယ်တိုင်း ဖတ်သင့်ပါတယ်။
ဒေါ်ခင်မျိုးချစ်က မြန်မာစာကိုလည်း တကယ်ဖတ်ခဲ့၊ တကယ်ကျက်ခဲ့တဲ့ အမျိုးသမီးကြီး၊ စာရေးချင်ရင် စာဖတ်လို့ သူပြောတဲ့ ဆောင်းပါးတွေ တကယ်အဖိုးတန်ပါတယ်။
ဒီခေတ်လူငယ်တွေက နိုင်ငံခြားက စာပေအကြောင်းတွေကို ပြောတတ် ရေးတတ်မှ ခေတ်မီတယ်၊ စတိုင်ကျတယ်၊ လူရာ ဝင်တယ် ထင်နေကြတာ၊ နိုင်ငံခြားစားရေးဆရာ၊ ကဗျာဆရာတွေရဲ့ နာမည်တွေကို တည့် ရေးနိုင်ရင် ကောင်းတယ် ထင်ကြတယ်။ ကိုယ့်မြန်မာစာရဲ့ တည်ဆောက်ပြီးသားရှိတဲ့ အမျိုးသားစာပေ အဆောက်အအုံနဲ့ ပတ်သက်လို့ စမ်းတဝါးဝါး ရှိသူက ရှိတယ်၊ ဘာမှန်းကို မသိတယ်လူက မသိဘူး။ ဒေါ်ခင်မျိုးချစ်က အင်္ဂလ်ိပ်စာ အရေးကောင်းတဲ့ စာရေးဆရာမ ကြီးသာဖြစ်တယ်။ ကိုးခန်းပျို့ကို ထုံးလိုချေ ရေလိုနှောက်ထားတာ။ ကိုယ့်မူလဘူတဟာ ဘာမှန်းမသိဘဲနဲ့ သူများကိုသာ အထင်ကြီးနေရင် ကိုယ်ကိုယ်တိုင်က အခြေမခိုင်တာမို့ ခိုင်မြဲတဲ့အလှကို မဖန်တီးနိုင်ပါဘူး။
ဒေါ်ခင်မျိုးချစ် သောင်းပြောင်းထွေလာမှာ ရေးသွားတဲ့ ဆောင်းပါးတွေကို လူငယ်တွေ များများဖတ်စေချင်လှပါတယ်။
သူ့လက်ရာကလေးတွေ စာအုပ်မဖြစ်သေးတာ ကျန်ပါသေးတယ်၊ အများကြီး။ အဲဒါကို သားခင်မောင်ဝင်းနဲ့ သမီး မိမိတို့က စုဆောင်းပြီး စာအုပ်ကလေးတွေဖြစ်လာအောင် ကြိုးစားကြပါဦးလို့ တိုက်တွန်းပါတယ်။
ဦးခင်မောင်လတ်နဲ့ ဒေါ်ခင်မျိုးချစ်တို့ဟာ လူကောင်းသူကောင်းတွေမို့ ကောင်းရာသုဂတိ လားကြမှာပါ။ ကြုံကြိုက်ရင် မြန်မာ ပြည်သူတွေရဲ့ ပညာအရည်အချင်း မြင့်မားရေးအတွက် ဆက်လက်ရွက်ဆောင်ပေးကြပါဦးလို့ ပန်ကြားချင်ပါတယ်။

ဗိုလ်ချုပ်အောင်ဆန်းနှင့်တကွ အာဇာနည် ခေါင်းဆောင်ကြီးများ လုပ်ကြံခံရမှုအပေါ် ရဲဘော်သုံးကျိပ်ဝင် ဗိုလ်ကျော်ဇော၏ သုံးသပ်ချက်

(BBC 1997 July 19th Program)

မေးခွန်းအမှတ်(၁)

မေး။   ။ ဗိုလ်ချုပ်အောင်ဆန်းကို အစစ်အမှန် သတ်သူဟာ ဘယ်သူလဲလို့ ခင်ဗျား ထင်မြင်ပါသလဲ။

ဖြေ။    ။ ဗိုလ်ချုပ်အောင်ဆန်းကို အစစ်အမှန် သတ်သူဟာ ဗြိတိသျှအစိုးရ ဖြစ်ပါတယ်။ ဒါဟာ သူတို့ရဲ့

လုပ်ကြံမှုကြီး ဖြစ်ပါတယ်။

မေးခွန်းအမှတ် (၂)

မေး။    ။ သင် … ဘာကြောင့် ဒီလို ပြောသလဲ။

ဖြေ။     ။ ဘာကြောင့်လဲဆိုရင် …… သူ အသတ်ခံရတာမှာ အကြောင်းရင်း (၃)ခု ရှိတယ်လို့ ကျနော်

ထင်မြင်ပါတယ်။

(က) ပထမတော့ ဗိုလ်ချုပ်အောင်ဆန်းဟာ တိုင်းပြည်တပြည်လုံးကို စည်းလုံးညီညွတ်အောင်လုပ်နိုင်သူ

ခေါင်းဆောင်ဖြစ်တယ်။ ထို့ကြောင့် သူတို့ဟာ မြန်မာပြည် တပြည်လုံး စည်းလုံး ညီညွတ်သွားမှာကို

ကြောက်ကြတယ်။

ဒါဟာ အဓိက အကြောင်းရင်းဖြစ်ပါတယ်။

(ခ) ဒုတိယကတော့ ဗိုလ်ချုပ်အောင်ဆန်းဟာ ဗမာပြည်ကွန်မြူနစ်ပါတီနဲ့ ပြန်ပြီး စည်းလုံးညီညွတ်

သွားနိုင်တယ်။ သူတို့ဟာ ဒီအချက်ကို ပူပန် စိုးရိမ်နေတယ်။

(ဂ) တတိယကတော့ သူတို့ဟာ ဗိုလ်ချုပ်အောင်ဆန်းကို ဖယ်ရှားနိုင်လိုက်ရင် ဗမာပြည်ကို လွယ်ကူစွာ

ကိုင်တွယ်သွားနိုင်လိမ့်မယ်လို့ ယူဆကြလို့ ဘဲ။ ဒီအဖြေအတွက်တော့ အထောက်အထား

အချက်အလက်များ ထင်မြင်ချက်များပေးရန်လိုတဲ့အတွက် အောက်ပါအတိုင်း အချက်တချို့ကို

တင်ပြလိုက်ပါတယ်။

၁။     ပထမ အထောက်အထား 

ဦးစောဟာ လက်နက်ကိုင် ရာဇဝတ်မှုကြီးတခုအတွက် လှုပ်ရှားနေတာတွေကို ဗြိတိသျှအစိုးရက

ကြိုတင်သိရှိနေတယ်။ ဒီလှုပ်ရှားမှုဟာ ဗိုလ်ချုပ်အောင်ဆန်းတို့ကို ဦးတည်တယ်ဆိုတာလည်း ၎င်းတို့

နားလည်နိုင်တယ်။ ဒီကိစ္စ ကျနော်မှတ်မိတာ (၂)ချက်လောက်ရှိတယ်။

 ပထမအစိုးရပုလိပ်အဖွဲ့က ဗိုလ်ချုပ်တို့ လုပ်ကြံမှုအရေးအခင်း မဖြစ်ခင်ကတည်းက ဦးစောရဲ့အိမ်ကို

အိမ်နီးချင်းခြံတခြံအတွင်းက သစ်ပင်၊ ပန်းပင်တွေကြားက အမြဲစောင့်ကြည့်ဖို့ အလှည့်ကျ တာဝန်ချပြီး

စောင့်ကြည့်ရတဲ့အထဲမှာ ကျနော့်ဆွေမျိုးနီးစပ်တော်သူ ပုလိပ်ကလေးမောင်မောင် (နောင် စစ်တပ်တွင်

ကူးပြောင်းလာသူ)ဆိုတာက ကျွန်တော့်ကိုပြောပြဖူးတာရှိပါတယ်။ ဦးစောအိမ်နှင့် ခြံအတွင်း လှုပ်ရှား

နေပုံတွေကို အခင်းမဖြစ်မီ တပတ်လောက်က သူ စောင့်ကြည့်တာဝန်ကျစဉ် သစ်ပင်တွေကြားက

သူတို့ အလှည့်ကျကြည့်ပြီး အထက်ကို အစီရင်ခံရဖူးကြောင်း၊ ဒီလိုစောင့်ကြည့်တာ

သူ့အရင်ကတည်းက စောင့်ကြည့်နေတာဖြစ်လို့ တပတ်မက ကတည်းက စောင့်ကြည့်နေပုံရတယ်လို့

ဆိုပါတယ်။

ဒုတိယ ကျနော်မှတ်မိတာက ၁၉၆ဝကျော်နဲ့ (၇ဝ)ကျော် ခုနှစ်များအတွင်း ဗိုလ်ချုပ်တို့ ကျဆုံးတဲ့

အာဇာနည်နေ့မှာ မြန်မာသတင်းစာ တစောင်တည်း ၊ ထိုနေ့အတွက် ဆောင်းပါးတစောင်

ပါလာတယ်။ ဦးစော နေထိုင်တဲ့ အေဒီလမ်းနဲ့ဆိုင်တဲ့ မရမ်းကုန်းပုလိပ်ဌာနမှ ထိုစဉ်က ထိုပုလိပ်ဌာနမှ

ဌာနအုပ် ထင်တယ်။ ထိုဆောင်းပါးရေးစဉ်က ပင်စင်စား ပုလိပ်အရာရှိကြီး တစ်ဦးဖြစ်လာပြီး သူရေးတဲ့

ဆောင်းပါးမှာ ဖွင့်ချထားတယ်။ ဗိုလ်ချုပ်တို့ အရေးအခင်းမဖြစ်မီ ဦးစောအိမ်၊ ခြံအတွင်း လှုပ်ရှားဖြစ်ပျက်

နေမှုတွေကို သူတို့ ပုလိပ်ဌာနက ထောက်လှမ်းသိရှိပြီး အထက်သို့ အစီရင်ခံစာတွေကို ရေးနေတာ

အတော်ကြာတယ်။ သူတို့ လှုပ်ရှားသွားလာနေတာတွေ တွေ့ပြီး တခုခု ရာဇဝတ်မှုကြီး လုပ်တော့မယ်

ဆိုတာ သိနိုင်သော်လည်း ဘာကြောင့် အရေးယူဖမ်းဆီးမှုတွေလုပ်ရန် အမိန့်မပေးသလဲ၊ နားမလည်တဲ့

သဘော ရေးထားပါတယ်။ ဒီကိစ္စမှာ ဦးစောလှုပ်ရှားမှုတွေက ရာဇဝတ်မှုကြီးတခုခု လုပ်တော့မယ်ဆိုတာ

ဗြိတိသျှအစိုးရက တော်တော်စောစောကြီးကတည်းက သိနေပြီ။ ၎င်းဟာလည်း ဘာကို ရည်ရွယ်တယ်

ဆိုတာလည်း သိနားလည်နိုင်ပါလျက် ထိထိရောက်ရောက် ကြိုတင်အရေးယူမှု ဘာမှ မလုပ်ကြခြင်းဟာ

ထင်ရှားပါတယ်။

၂။     ဒုတိယ အထောက်အထား

(က) ထိုအရေးအခင်းကာလထုတ် သတင်းစာ ၊ စာနယ်ဇင်းနှင့် စာအုပ်များအရ သိရှိချက်များ

ဖြစ်ပါတယ်။ အင်္ဂလိပ်လူမျိုး ကပ္ပတိန် ဗီဗီယန်းနှင့် ဘရင်းဂန်း(၂ဝဝ) လက်နက်မှုကြီး ဖြစ်ပါတယ်။

သူဟာ စစ်ဘက်က ပုလိပ်ဘက် မကြာခင်ကမှ ပြောင်းလာသူဖြစ်ပါတယ်။ ပုလိပ်လက်နက်

ပစ္စည်းထောက်ပံ့ရေးဌာန ရာဇဝတ်ဝန်ကလေး ဖြစ်တယ်။ ဗီဗီယန်းက ဦးစောကို ဘရင်းဂန်း (၂ဝဝ)

ထုတ်ပေးခဲ့တယ်။ ၂၄.၆.၄၇ နေ့မှာ ဦးစောရဲ့ လူရင်း ဖော်ကောင် ဘညွန့်နှင့်အဖွဲ့က ပုလိပ်ယောင်

ဆောင်ပြီး ဗိုလ်တထောင် အမှတ်-၂၂၆ (BOD) အခြေစိုက် လက်နက်တိုက်မှ ဗီဗီယန်းနှင့်

ဦးစောတို့ အစီအစဉ်အရ လာရောက် ထုတ်ယူသွားတယ်။ ထိုစဉ်က ထုတ်ယူသွားတဲ့ လက်နက်များမှ

ဘရင်းဂန်းသေနတ် (၂ဝဝ)၊ ယင်းပြောင်းပို (၂ဝဝ)နှင့် ယင်းမဂ္ဂဇင်းကျည်ကပ် (၈ဝဝ)တို့ကို

အလွယ်တကူ ထုတ်ယူသွားကြတယ်။

(ခ) ဒုတိယအကြိမ် ဗီဗီယန်းမှ ဦးစောအား ခဲယမ်းကျည်ဆန်များ နောက်ထပ်ထုပ်ပေးပြန်ရာ

အရင်အတိုင်း ဦးစောရဲ့လူရင်း ဖော်ကောင် ဘညွန့်နဲ့ အဖွဲ့က ၁ဝ.၇.၄၇ နေ့က (၁၆)မိုင်ရှိ မင်္ဂလာဒုံ

အခြေစိုက် ခဲယမ်းမီးကျောက်တပ်မှ သွားထုတ်ယူခဲ့တယ်။ ထုတ်ယူသွားတဲ့ပစ္စည်းများမှာ ပွိုင့်(၃ဝ၃)

ရိုင်ဖယ်နှင့် ဘရင်းသေနတ်ကျည်ဆန် (၁ဝဝဝဝဝ)၊ စတင်းကျည်ဆန် (၂၅၆ဝဝဝ) (စစ်တပ်ထုတ်

တပ်မတော် သမိုင်းတတိယတွဲ - စာမျက်နှာ (၁၄၉)တွင် ၎င်းကျည်ဆန် (၂၅၆ဝဝဝ)လို့ သာဆို။

ထိုဂဏန်း ပိုမှန်နိုင်) လက်ပစ်ဗုံး(၂ဝဝ)တို့ဖြစ်ပါတယ်။ ထိုစာရင်းတွင် စတင်းဂန်းမည်မျှဟု

မပါပေမယ့် အရေးအခင်းပြီးစ (၂၁.၇.၄၇)နေ့တွင် ဦးစောအိမ်အနီးရှိ ရေကန်ထဲတွင် သတင်းအရ

ရှာဖွေရာတွင် ရေကန်အတွင်း ရေအောက် လေလုံ သေတ္တာတွေအတွင်း ထည့်ထားသော ဘရင်းဂန်း

(၁၇ဝ)နှင့် စတင်းဂန်း (၁ဝဝ)တို့ကိုတွေ့ရှိရမိသည်ဟု ထိုကာလ စာနယ်ဇင်းတို့က ဖော်ပြထားတယ်။

(ဂ) ဒီဘရင်းဂန်း (၂ဝဝ)နှင့် ကျည်ဆန်များကိစ္စမှာ လုပ်ကြံမှုကြီးမှာ ဗြိတိသျှ အစိုးရ ပါဝင်ကြောင်း

ကြီးမားသော အထောက်အထားကြီးဖြစ်တယ်။ ဒါလောက် များပြားသော (အစိုးရခြေလျင်တပ်ရင်း

ခြောက်ရင်းခန့်စာဖြစ်ပြီး၊ ထိုကာလ ဗမာ့တပ်မတော် တပ်ရင်းများရဲ့ တဝက်စာဖြစ်တယ်။)

လက်နက်များ ကို ဦးစော ဝယ်ယူတာလည်း မဟုတ်၊ ဗီဗီယန်းက ထုတ်ပေးတာဖြစ်တယ်။

ဒီလောက်များတဲ့ လက်နက်ခဲယမ်းများကို အထက်အာဏာပိုင်တုိ့ရဲ့ သဘောထားမပါဘဲ ထုတ်ပေးတာ

မဖြစ်နိုင်။ ဗီဗီယန်းအတွက် ကိုယ်ကျိုးငွေကြေးရတာလည်း မဟုတ်ပေ။ အလွန်ထင်ရှားတဲ့

အချက်ကြီး ဖြစ်တယ်။

(ဃ) ဒီလက်နက်များကို ထုတ်ပေးတာဟာ ဗိုလ်ချုပ်အောင်ဆန်းတို့ကို လုပ်ကြံသတ်ဖြတ်ရေး

တွန်းအားပေးတာ သာမက ယင်းနောက်တွင် ကြီးမားသော ကြံစည်မှုကြီးတခုလည်း ရှိနေသေးသည်ကို

ကျနော်တို့ မြင်နိုင်ပေသည်။ ဤမျှ များပြားသော လက်နက်ခဲယမ်းများကြောင့် ဦးစောက ဗိုလ်ချုပ်တို့ကို

လုပ်ကြံ သတ်ဖြတ်ရုံမျှမက နောက်ထပ်ဆက်ပြီး မြန်မာပြည်တွင် သူ အာဏာရရေးအတွက် ၊ ပုန်ကန်

ထကြွမှုကြီး ဖြစ်သွားနိုင်ရန်အတွက်ပါ  ရည်ရွယ်ချက်နှင့်ပေးသည်ဟုလည်း ကောင်းစွာ ထင်ရှား

သိရှိနိုင်သည်။ သို့ဖြင့် ဗြိတိသျှအစိုးရသည် မြန်မာနိုင်ငံကို ပြည်တွင်းစစ်ကြီးဖြင့် ပြိုကွဲ အားနည်း

သွားစေရန် ကြံစည် အားထုတ်ခဲ့ကြောင်း ခန့်မှန်းသိရှိနိုင်ပေသည်။

၃။     တတိယအထောက်အထား

(က) ဦးစောသည် လုပ်ကြံမှုကြီးအတွက် ၁၉၄၆ ခုနှစ်ကစပြီး လက်နက်ခဲယမ်းများ စုဆောင်းနေရာ

ကုက္ကိုင်းအမှတ် (၁) ဘီအီးအမ်အီးတပ်မှ တပ်မှူး အင်္ဂလိပ်လူမျိုး မေဂျာစီအိပ်ခ်ျရန်းနှင့် ရင်းနှီးကြပြီး

၎င်းထံမှ ဆပ်မရှင်းဂန်း တစ်လက် ၊ အမေရိကန် ကာဘိုင် (၃)လက် ၊ စတင်းသေနတ် (၁)လက်၊

တော်မီ သေနတ် (၂)လက် ၊ လူဂါပစ္စတိုသေနတ်(၁)လက် ၊ ခြောက်လုံးပြူးသေနတ် (၂)လက်နှင့်

ယမ်းတောင့်များကို ရယူခဲ့သည်။

(ခ) ထို့ပြင် အင်္ဂလိပ်လူမျိုး ဗိုလ်မှူးလန်းစ်ဒိန်း ထံမှလည်း စပရင်းဖီးရိုင်ဖယ် သေနတ် (၁)လက်၊

တော်မီသေနတ် (၂)လက်၊ ကာဘိုင်သေနတ် (၁)လက်နှင့် ယမ်းတောင့်များကို ရရှိခဲ့သည်။

ယင်းလက်နက်များမှ အချို့ကို ငွေပေး ဝယ်ယူရရှိပုံရသည်။

(ဂ) ထို့ပြင် သတင်းစာများအရ ဗိုလ်ချုပ်ကိုပစ်သတ်သောကျည်ဆံမှာ (ဒန်ဒန်)ခေါ် အလွန်ပြင်းထန်ပြီး

အဆိပ်ပါသော ကျည်ဆံဟု ဆိုကြသည်။ မိုင်းပွန် စော်ဘွားကြီး ဒဏ်ရာမပြင်းဘဲ သေဆုံးရသည်ဟု

ဆိုကြသည်။

(ဃ) ၎င်းလက်နက်များမှာ လုပ်ကြံမှုကြီးအတွက် အင်္ဂလိပ်ဗိုလ်မှူး နှစ်ဦးထံမှ ဦးစော အခိုင်အမာ

ကြိုတင်ရရှိတာ ဖြစ်သည်။ အထက်ပါ ဒုတိယနှင့် တတိယ အထောက်အထားကြီး နှစ်ခုသည်

လုပ်ကြံမှုတွင် ဗြိတိသျှအစိုးရ ပါဝင်ကြောင်း အလွန်ထင်ရှားသော အထောက်အထားများဖြစ်သည်။

၎။     နောက်အထောက်အထား အချို့ကတော့

ဗိုလ်ချုပ်တို့ လုပ်ကြံခံရမှုမှာ စုံစမ်းစစ်ဆေးရာတွင် ပါဝင်တဲ့ ထိုစဉ်က ပုလိပ်မင်းကြီး ဖြစ်တဲ့

ကွယ်လွန်သူ ဦးထွန်းလှအောင်ရဲ့ သား ဦးခင်အောင် က ၁၉၉၃ ခုနှစ်လောက်က ရေးတဲ့

“အောင်ဆန်းကို ဘယ်သူ သတ်သလဲ” စာအုပ်မှ လိုရင်းကို ဘီဘီစီက ၁၉၉၃ ခုနှစ် အသံလွှင့်ချက်

တချို့ကို ကျနော်ရရှိခဲ့ရာ အဓိက အထဲမှာပါဝင်တဲ့ အထောက်အထား တချို့ကို ဆက်လက် တင်ပြ

သွားပါမယ်။

၅။     စတုတ္ထ အထောက်အထားက

(က) ဦးခင်အောင် စာအုပ်ဖော်ပြချက်အရ ဗိုလ်ချုပ်တို့ လုပ်ကြံခံရပြီး တပတ်လောက်တွင် ဇူလိုင်၊

၂၅ ရက်နေ့လောက်မှာဘဲ ဗြိတိသျှအစိုးရဟာ ဒီလုပ်ကြံမှုကြီးမှာ ပါဝင်ပတ်သက်နေတယ်ဆိုတဲ့

ကောလာဟလ သတင်းတွေ ပြန့်နှံ့နေခဲ့တာကြောင့် ဦးနု အစိုးရဟာ ဗြိတိသျှတို့ရဲ့ ဆန္ဒနဲ့လည်း

ကိုက်ညီအောင် အောက်ပါ ကြေညာချက်တခု ထုတ်ပြန်ဖို့ စီစဉ်တယ်။ ၎င်းမှာ “ ဒီလုပ်ကြံမှုကြီးမှာ

အင်္ဂလိပ်ကိုလိုနီ အစိုးရတို့ မပါဝင်ကြောင်း ၊ အင်္ဂလိပ်အစိုးရနှင့်အတူ တရားခံအစစ်ကို ရဖို့အတွက်

ကြိုးစား ရှာဖွေလျက်ရှိကြောင်း ” ဆိုတဲ့ တရားဝင် ကြေညာချက် ထုတ်ဖို့ပင် စီစဉ်ထားတဲ့အထိ

ဖြစ်တယ်။

(ခ) ဒါပေမယ့် (၂၈.၇.၄၇)နေ့ထုတ် ရန်ကုန်လမ်းညွှန် သတင်းစာကြီးတွင်ပါ သတင်းတပုဒ်ကြောင့်

အခြေအနေ ပိုဆိုးဝါးလာခဲ့တယ်။ ယင်းသတင်းဖော်ပြချက်ကတော့ “ဗိုလ်ချုပ်အောင်ဆန်း တို့အဖွဲ့

၁၉၄၇ ခုနှစ် ၊ ဇန်နဝါရီလ အောင်ဆန်း-အက်တလီ စာချုပ် ချုပ်ဆိုဖို့အတွက် အင်္ဂလန်ရောက်ခဲ့စဉ်က

ဦးစော နှင့် သခင်ဗစိန်တို့က လက်မှတ်ထိုးဖို့ ငြင်းပယ်ခဲ့ကြတယ်။ ဦးစောဟာ ဖဆပလ အဖွဲ့ကြီး

ပြိုကွဲရန် ရည်ရွယ်ချက် ဖြင့် အင်္ဂလန်မှာ နေရစ်ခဲ့ကြောင်း။ ထို့အပြင် လူဖြူများရဲ့ အကူအညီနဲ့

ဦးစော ငွေ (၅)သိန်း လက်ခံရရှိခဲ့ကြောင်း၊ အင်္ဂလန်မှ အရင်းရှင်အချို့က ဦးစောအား

ငွေအမြောက်အမြား ပေးခဲ့ကြောင်း စသဖြင့် ရေးသားထားသည်။ ဒီသတင်းကြောင့် ဦးနုအစိုးရက

အထက်ပါ ကြေညာချက်ထုတ်ရေး အစီအစဉ်ကို မပြုလုပ်ဘဲ ရုပ်သိမ်းလိုက်ရတယ်။

(ဂ) ဒီကိစ္စမှာ ဗြိတိသျှ အစိုးရနဲ့ ပဋ်ိပက္ခ မဖြစ်လိုတဲ့အပြင် ဗြိတိသျှတို့အပေါ် ကောလာဟာလ

ဖြစ်မှုတွေကို ကာကွယ်ပေးလိုတဲ့ ဦးနု အစိုးရပင် ထိုကာလက ဗြိတိသျှတို့နဲ့ ပတ်သက်နေတဲ့

အထက်ပါလို သတင်းအမျိုးမျိုးတို့ကြောင့် ကာကွယ်တဲ့ ကြေညာချက်မျိုးတောင် မထုတ်ရဲအောင်

ဖြစ်ခဲ့သည်မှာလည်း ထင်ရှားတဲ့အချက်တခု ဖြစ်ပါတယ်။

၆။     ပဉ္စမ အထောက်အထား

ဒီမှာ အချက်(၂)ချက် ပါဝင်နေတယ်။

(က) ပထမက ဦးစောဟာ လက်စားချေရေး သက်သက်သာ ရည်ရွယ်ပါက ဗိုလ်ချုပ်အောင်ဆန်း

တဦးသာ သတ်ဖြတ်ဖို့ ဖြစ်နိုင်တယ်။ အခုမူ ဗိုလ်ချုပ်သာမက အစိုးရတစ်ဖွဲ့လုံးနှင့် ဦးနုကိုပါ

လုပ်ကြံသတ်ဖြတ်တာဖြစ်တယ်။ (ဗိုလ်ချုပ်ပါ ဝန်ကြီးခုနစ်ဦးနှင့် အတွင်းဝန် (၁)ဦး၊ သက်တော်စောင့်

(၁)ဦး တို့ ကျဆုံးရပြီး ကျန်ဝန်ကြီးအချို့ ကျယ်ဆံမထိလို့ လွတ်မြောက်ရတယ်)ဒါကြောင့် ဒါဟာ

လက်စားချေရေး သက်သက် မဟုတ်နိုင်။ ဒါပြီးရင် အစိုးရအသစ် ရာထူးအတွက်ပါ ရည်ရွယ်တာ

ထင်ရှားပါတယ်။

(ခ) ဒီလုပ်ကြံမှုကြီး ပြီးရင် ဘုရင်ခံက ဦးစောကို အစိုးရအသစ်ဖွဲ့ဖို့ ဖိတ်ခေါ်လိမ့်မယ်လို့ ဦးစောက

မျှော်လင့်ချက်ရှိနေတယ်။ ဦးစောကို ဖမ်းရာမှာ သူ့အိမ်မှာ “ဦးစော-ဝန်ကြီးချုပ်” ဟု လုပ်ထားတဲ့

တံဆိပ်တုံး ကိုပင် တွေ့ရကြောင်း ဦးခင်အောင် စာအုပ်အရ သိရတယ်။ ထိုကိစ္စသတင်းစာများနှင့်

အသံလွှင့်ချက်များ မှာလည်း ဖော်ပြကြသည်။ ဒါဖြင့် ဒီမျှော်လင့်ချက်ရှိအောင် ဘယ်သူတွေက

လမ်းခင်းပေးထားသလဲ။ ဒါဟာ ဦးစောက လုပ်ကြံဖို့ လှုံ့ဆော်တိုက်တွန်းပေးတဲ့ အချက်ကြီး

မဟုတ်လား ။ ဒါဟာ လုပ်ကြံမှုကြီးဖြစ်အောင် မြှောက်ပင့်လှုံ့ဆော်ပေးတဲ့ မက်လုံးကြီး မဟုတ်လား။

အထက်ပါ အချက်နှစ်ချက်ကြောင့် ဒီလုပ်ကြံမှုကြီးမှာ ဗြိတိသျှအစိုးရတို့ ပါဝင်နိုင်ပုံကို သိရှိနိုင်တယ်။

၇။     ဆဌမ အထောက်အထား

ဦးခင်အောင် စာအုပ်အရ အချက်နှစ်ခုကို တွေ့ရပြန်တယ်။

(က) ပထမက ဦးစောရဲ့ ရှေ့နေဖြစ်သူ အင်္ဂလန်မှ အင်္ဂလိပ်လူမျိုး ရှေ့နေ “ဖရက်ဒရစ်ဟင်နရီ” ဟာ

အင်္ဂလန်ရှိ သူ့အခန်းတွင်

ရုတ်တရက် လုပ်ကြံ သတ်ဖြတ်ခံရတယ်။

(ခ) နောက် ဒုတိယက ဗိုလ်ချုပ်တို့ လုပ်ကြံမှုကြီးကို အလွတ်စုံထောက်နေသူ အင်္ဂလိပ်လူမျိုး

“အက်ဖ်ကိုလင်” ဟာလည်း သူ့စာရွက်စာတမ်းများ ပျောက်ဆုံးနေပြီး သူလည်း ရုတ်တရက် သေဆုံး

သွားတယ်။ ထိုနှစ်ဦး သေဆုံးကြောင်း ယခင်က ကျနော်တို့မသိရ။ ဦးခင်အောင်စာအုပ်အရသာ

သိရတယ်။ ယင်းကိစ္စများစွာ စဉ်းစားစရာတွေဖြစ်ခဲ့တယ်။ အမှုကြီးရဲ့ အရင်းခံအဖြစ်အပျက်တချို့ကို

သူတို့ သိနေတာ နောင်ပေါက်ကြားလာမှာစိုးလို့ ယခုလို အဆုံးစီရင်လိုက်ပုံရတယ်။

ဤကိစ္စလည်း လုပ်ကြံမှုကြီးတွင် ဗြိတိသျှအစိုးရတို့ပါဝင်နေပုံကို များစွာသံသယဖြစ်ဖွယ် ဖြစ်တယ်။

၈။     သတ္တမ အထောက်အထား

ဦးခင်အောင်စာအုပ်အရ သိရသည်မှာ ဦးစော သေဒဏ်စီရင်ချက်ခံရပြီး နောက် ကြိုးမိန့်ပေး

ခံရသူများ၏ အကျဉ်းထောင်အခန်းအတွင်း နေရစဉ် သူလွတ်မြောက်ထွက်ပြေးရေးအတွက် ဗြိတိသျှ

အရာရှိများထံ အကူအညီတောင်းခံမှုဖြစ်တယ်။ ဦးစောဟာ ထိုစဉ်ကာလတွင် ထောင်မင်းကြီး

ဦးစံတင်ကို သူ လွတ်မြောက်မှုအတွင် ငွေအမြောက်အမြား ပေးမယ်လို့ ချဉ်းကပ်ခဲ့တယ်။ ဦးစံတင်က

ဦးထွန်းလှအောင်နဲ့ တိုင်ပင်ပြီး စီမံချက်တခုလုပ်ကာ ငွေပေးရန် လုပ်ပေးမယ်ပြောရာ ထိုမှစပြီး

ဦးစော ငွေရှာပုံတော်ကြောင့် ဦးစောနှင့် ဆက်စပ်သူ အင်္ဂလိပ်များအကြောင်း အံ့သြဖွယ် တွေ့ရတော့

သည်ဟု ဆိုထားသည်။ ၎င်း ငွေတောင်းစာများတွင် နာမည်ဝှက်များနှင့် စကားလုံးတွေပါ

ရေးထားတယ်။

(က) ပထမဆုံး ဦးစော ငွေတောင်းသူကတော့ ကပ္ပတိန် ဗီဗီယန်း ဖြစ်တယ်။ (အထက်ဖော်ပြပါ

ဦးစောကို ဘရင်းဂန်း (၂ဝဝ) နှင့် ခဲယမ်းများ ထုတ်ပေးသူ ဖြစ်တယ်) ဦးစောဟာ ၎င်းဗီဗီယန်း

သူ့ကို ဘရင်းဂန်းများ ထုတ်ပေးမှုနှင့် ထောင်ထဲရောနေမှန်း မသိပေ။ ၎င်းဗီဗီယမ်းက ဦးစောထံ

ပြန်ပေးစာတွင် “ငါတို့ အားလုံး စီစဉ်ပေးနိုင်တယ် မင်းဘာလို့ လူရှည်ကြီး မဆက်သွယ်သလဲ” ဟု

ရေးခဲ့၊ ဆိုထားသည်။

(ခ) ဦးစော ဒုတိယအရေးတကြီးထား ဆက်သွယ်သူကတော့ ရန်ကုန်မြို့ ဗြိတိသျှကောင်ဆယ်က

“မစ္စတာ ဂျွန်စတီးဝပ်ဘင်ကလင်” ထံ ငွေတောင်းခံစာ ရေးပြီး ဆက်သွယ်တာဖြစ်တယ်။ (၎င်းဟာ

ဗြိတိသျှသံတမန်ဖြစ်လို့ နိုင်ငံရေးအရ ပိုအရေးကြီးသူဖြစ်)ဘင်ကလင်က ထိုစာကို ဖတ်လိုက်ရတော့

သိပ်ချောက်ချားပြီး စာကိုဖျက်ဆီး၊ စာလာပို့သူ ပုလိပ်အရာရှိကို မောင်းထုတ်လိုက်တယ်။

နောက် ဦးစောက ၎င်းဘင်ကလင်ထံ သြဂုတ်လ ၂၂-၂၃ ရက်နေ့နဲ့ စာတွေပို့တယ်။

ငွေတောင်းတာမက ခြိမ်းခြောက်တဲ့ စာမျိုးပါ ရေးခဲ့တယ်လို့ ဆိုပါတယ်။ သို့ရာတွင် ဘင်ကလင်က

ဒီစာတွေ မရတော့ဘူး။ အကြောင်းက ဦးစော ရဲ့ပထမစာ ရပြီးကတည်းက သူ ဗမာပြည်မှ

ထွက်ခွာဖို့ ပြင်ဆင်ပြီး နေအိမ်ကနေ ကမ်းနားလမ်းဟိုတယ်ကို ပြောင်းနေခဲ့တယ်။ သူထွက်ဖို့ 

စီစဉ်နေတုန်း သူ့ကို ဖမ်းဖို့  ဦးထွန်းလှအောင်က ထိုစဉ် ပြည်ထဲရေးဝန်ကြီး ဦးကျော်ငြိမ်းထံ

အကြောင်းကြားခဲ့ ၊ ဦးကျော်ငြိမ်းက ဘုရင်ခံထံ တင်ပြ၊ ဘုရင်ခံက သက်သေ အထောက်အထား

တွေ ထပ်မံ တောင်းဆိုဟု ဆိုထားသည်။ နောက်တနေ့ ဦးထွန်းလှအောင်က သူမထွက်ခွာမီ

ရုတ်တရက် ထပ်သွားပြီး ဦးစောရဲ့ နောက်ဆုံးစာကို ပြသည်။ ဘင်ကလင်က ထိတ်လန့်

ကြောက်ရွံ့သွားပြီး သူ့ကို ဖမ်းလို့မရကြောင်း၊ သူ့အနေဖြင့် သံတမန်ရေးရာ အကာအကွယ်များ

ရှိထားကြောင်း ပြောတယ်။ ဒီအပေါ် ဦးခင်အောင် ရေးသားထားတာက “အမှန်တော့ မစ္စတာ

ဘင်ကလင်အနေနဲ့ ဗိုလ်ချုပ်တို့ လုပ်ကြံမှုမှာ ၎င်းဘယ်လို ပတ်သက်သလဲ ဆိုတာ အသေအချာ

သိလို့ဘဲ ဖြစ်တယ်” လို့ ဆိုထားသည်။ ဦးထွန်းလှအောင်က သူ့ကို မြန်မာနိုင်ငံမှ အပြီးအပိုင်

ထွက်သွားရန် ပြောခဲ့ဟု ဆိုသည်။ ထိုနေ့  ၄.၉.၄၇ နေ့က စပြီး ၎င်း ဘယ်ရောက်သည် အစ

မပေါ်တော့ဟု ဆိုသည်။

(ဂ) ဗီဗီယန်းသည် ဘရင်းဂန်း  (၂ဝဝ) နှင့် ကျည်ဆန်များစွာ ဦးစောကို ထုတ်ပေးခဲ့သူ ဖြစ်၍

ဒီလုပ်ကြံမှုနှင့် ပတ်သက်မှုတွင် အရေးပါဆုံးသူဖြစ်သည်။ နောက် ဘင်ကလင်မှာလည်း

ဗြိတိသျှသံတမန်ဖြစ်၍ အရေးပါသူ ဖြစ်သည်။ ဗိုလ်မှူးရန်း ဖမ်းမိပြီး စစ်ဆေးသောအခါလည်း

၎င်း၏ ဖြောင့်ချက်အရ ဦးစောနှင့် ဗြိတိသျှကောင်ဆယ်မှ ဘင်ကလင်တို့၏ ဆက်သွယ်မှုဟာ

သာမန်ထက် ပိုဆက်သွယ်မှုရှိကြောင်း ဆိုထားသည်။ ဗြိတိသျှအစိုးရမှ ထိုအရေးပါသူ (၂)ဦးထံသို့

ဦးစော အရေးကြုံတော့ ငွေတွေအတင်းတောင်းယူပုံတွေ ကို ထောက်ရှု၍ ထိုလုပ်ကြံမှုတွင်

ဗြိတိသျှအစိုးရတို့ ပါဝင်နိုင်ပုံကို သိမြင်ယူဆနိုင်ပေသည်။

၉။     နောက်ဆုံး အဌမ အထောက်အထားကတော့ …

ဦးခင်အောင် စာအုပ်အရ အထက်ပါ ဗီဗီယန်း၏ နောက်ဆုံးအဖြစ်အပျက် ဖြစ်သည်။

ဖော်ပြထားပုံအရ ၎င်းဗီဗီယန်းသည် ၁၉၄၉ ခုနှစ် ၊ မေလ အင်းစိန်တိုက်ပွဲမှ ကရင်များ

ဆုတ်သွားရာတွင် အင်းစိန်ထောင်မှ လိုက်ပါသွားပြီး ၁၉၅ဝ ခုနှစ်အထိ ကော့ကရိတ်မြို့အနီး

စောဘဦးကြီးနှင့် ရှိနေခဲ့တယ်။ မြန်မာအာဏာပိုင်တွေက သူ့ကို သတ်လိုက်ပြီဆိုကြပေမယ့်

သူ (ဗီဗီယန်း)ဟာ ၁၉၅ဝ ခုနှစ် အလယ်ပိုင်း လောက်မှာ ထိုင်းနိုင်ငံမှ တစ်ဆင့် အင်္ဂလန်နိုင်ငံသို့ 

ပြန်သွားပြီး ၁၉၈ဝ ခုနှစ်လောက်ကျမှ ကွယ်လွန်သွားတယ်ဟုဆိုထားသည်။ အမှုကြီးအတွက်

အရေးကြီးပုဂ္ဂိုလ် လွတ်မြောက်သွားပုံ ဖြစ်သည်။ ဤတွင်လည်း ဗြိတိသျှ အစိုးရတို့ ပါဝင်နိုင်ပုံကို

ထင်ဟပ်နိုင်သည်။

၁ဝ။    အထက်ဖော်ပြပါ အထောက်အထားများကြောင့် ဗိုလ်ချုပ်တို့ လုပ်ကြံမှုကြီးတွင်

ဗြိတိသျှအစိုးရတို့ ပါဝင်ကြောင်း ကျနော်ကောင်းစွာ ထင်မြင်ယူဆပါသည်။ အထက်ဖော်ပြပါ

အထောက် အထားများအနက် နံပါတ် (၂)ကပ္ပတိန် ဗီဗီယန်းက ဦးစောအား ဘရင်းဂန်း (၂ဝဝ)နှင့်

ကျည်ဆန်များ ထုတ်ပေးမှုဟာ ဗြိတိသျှအစိုးရ ပါဝင်နိုင်ကြောင်း အထင်ရှားဆုံးအချက်ကြီးဖြစ်တယ်။

ဒုတိယ ထင်ရှားတဲ့ အချက်ကတော့ နံပါတ်(၃)အရ လုပ်ကြံရေးအတွက် လက်နက်များ၊

ကျည်ဆန်များရောင်းတဲ့ ဗိုလ်မှူးရန်းနှင့် လန့်စဒိန်းတို့အမှု ဖြစ်တယ်။ ဗီဗီယန်း၏ ဘရင်းဂန်း

(၂ဝဝ)နှင့် ကျည်ဆန်များ ဦးစောအား ထုတ်ပေးမှုဟာ လုပ်ကြံမှုကြီးဖြစ်ရန် တွန်းဆော်ပေးလိုက်

ရုံမျှမက နောက်ပိုင်း ဦးစော အာဏာရရေး၊ ပုန်ကန်ထကြွရေး အတွက်ပါ ရည်ရွယ်သည်ဖြစ်သဖြင့်

ထိုစဉ် ဗိုလ်ချုပ်အောင်ဆန်းတို့ ဖဆပတ တပ်ပေါင်းစုကြီးအောက်တွင်စည်းလုံးညီညွတ်လာနေသော

မြန်မာပြည်ကြီးကိုလည်း ပြည်တွင်းစစ်ဖြင့် ဖြိုခွဲအားနည်းပစ်ရန် လုပ်ကြံမှုကြီးတခုလည်း ဖြစ်သည်။

ယင်းမှ ဆက်၍ တွေးခေါ်နိုင်သည်မှာ ဦးစော လုပ်မသွားနိုင်သည့်နောက်ပိုင်း ဖြစ်လာသော

ဗမာပြည်တွင်းစစ်များ ဖြစ်လာအောင် လုပ်ရာတွင်လည်း ဗြိတိသျှအစိုးရတို့ တနည်းတဖုံ

ပါဝင်ကြမည်ကို မျှော်မှန်း သိမြင်နိုင်ပေသည်။

၁၁။    အထက်ပါ အကြောင်းတို့ကြောင့် ဗိုလ်ချုပ်အောင်ဆန်းတို့ ခေါင်းဆောင်ကြီးများ လုပ်ကြံ

သတ်ဖြတ်မှုတွင် ဗြိတိသျှ အစိုးရတို့ ပါဝင်သည်ကို ကျနော် ထင်မြင်ယုံကြည်ရုံမက ယခု နှစ်(၄ဝ)

ကျော်ကြာ ဗမာပြည် ပြည်တွင်းစစ်ကြီး ဖြစ်လာအောင် ဖန်တီးကြရာတွင် ဗြိတိသျှအစိုးရတို့

တနည်းတဖုံ ပါဝင်နိုင်ကြောင်းကိုလည်း ကျနော် ထင်မြင်ယူဆပါသည်။

(ဗိုလ်မှူးချုပ်ဟောင်း ကျော်ဇော၏ "တရားခံအစစ်ဘယ်သူလဲ" စာအုပ်တွင် ပါရှိသည့်

"၁၉၉၇ ခုနှစ်၊ အာဇာနည်နေ့  အနှစ် ၅၀ ပြည့် အထိမ်းအမှတ် BBC နှင့် တွေ့ ဆုံမေးမြန်းမှု" မှ

ကူးယူဖော်ပြပါသည်)

ဇူလိ်ုင် ၁၃၊ ၁၉၄၇က ဗိုလ်ချုပ်အောင်ဆန်း၏ ပြည်သူသို့ နောက်ဆုံးမိန့်ခွန်း

စာကိုးစကားကိုး၊ ဇူလိုင် ၁၄၊ ၂၀၁၁

"တိုင်းပြုပြည်ပြုလွှတ်တော် [ဖော်ဆောင်ရတာဟာ] အိမ်ဟောင်းကို တည်ရုံအလုပ်မဟုတ်ဘဲနဲ့ တခုလုံး ဖျက်ဆီးပြီးတဲ့နောက် အဲဒီပျက်သွားတဲ့ နေရာမှာထပ်ပြီး အိမ်အသစ်ဆောက်တာနဲ့ တူပါတယ်။

ကျွန်တော်တို့ဟာ တိုင်းပြည်ကို ပြောခဲ့တဲ့အတိုင်း လုံးဝလွတ်လပ်ရေးကို ကျွန်တော်တို့ရအောင် လုပ်မယ်ဆိုတဲ့အတိုင်း အဲဒီလုံးဝလွတ်လပ်ရေးကို ကျွန်တော်တို့ ဆုံးဖြတ်ခဲ့တယ်။ ဒီလုံးဝလွတ်လပ်ရေးကို ဆုံးဖြတ်ပြီးတဲ့နောက် ကျွန်တော်တို့ ဒီတိုင်းပြည်ကို ကြေညာထားတဲ့အတိုင်း တနှစ်အတွင်း လုံးဝလွတ်လပ်ရေးရအောင် လုပ်မယ်ဆိုတာလဲ ကျွန်တော်တို့လုပ်နေလျက်ပါပဲ။

ဘယ်အစိုးရမှလဲ ချွတ်ယွင်းချက်မရှိတဲ့ အစိုးရမရှိဘူး။ သို့သော်လဲဘဲ တိုင်းပြည်အပေါ်မှာ စေတနာရှင်းရှင်းထားပြီး တဆင့်ထက်တဆင့် ကျွန်တော်တို့လုပ်လာတဲ့ လုပ်ငန်းဟာ တိုးတက်သလား မတိုးတက်ဘူးလား ဆိုတာခင်ဗျားတို့ ပြန်ကြည့်ပါ။……..နောက်အတော်လေးကြာလာယင် ကျွန်တော်တို့ဟာ တိုင်းပြည်ကို အတိအလင်း ကြေညာနိုင်တဲ့ စကားမျိုးလုပ်လာနိုင်ပါဦးမယ်။

အဲဒီလို လုပ်လာတဲ့အခါမှာ ကျွန်တော်တို့ဟာ လွတ်လပ်ရေးလုပ်ငန်းမယ် ဘယ်ထိအောင် တစခန်း တက်လာပြီး ဘယ်ထိအောင် ပြန်လည်ထူထောင်ရေး လုပ်ငန်းမှာ ဘယ်လို တစခန်း တက်လာပြန်ပြီ အစရှိသည်အားဖြင့် အဲဒီလို အခွင့်အလမ်းတွေကိုလဲ ခင်ဗျားတို့ မြင်ရပါလိမ့်မယ်။ အဲဒီလို တိုင်းပြည်ပြန်လည်ထူထောင်ရေးမယ် လုပ်တဲ့လုပ်ငန်းမှာလဲ တဆင့်တက်လာတာကိုသော်၎င်း၊ အခုလွတ်လပ်ရေးလုပ်ငန်းနဲ့ပတ်သက်ပြီး တဆင့်တက်လာတာကိုသော်၎င် အဲဒီလိုတက်လာတာကို ခင်ဗျားတို့ ရက်မကြာမီမှာ မြင်ရပါလိမ့်မယ်။

အဲဒီလို မြင်ရရုံမကဘူး။ ကျွန်တော်တို့ ဒီအစိုးရနှင့် အရင်ကရှိတဲ့ အစိုးရတွေနှင့် ယှဉ်ကြည့်လိုက်ယင် ကျုပ်ပြောရဲတယ်။ ယခု အစိုးရထဲမှာ လာဘ်စားတဲ့လူတွေ မရှိပါဘူးဆိုတာ ကျုပ်ပြောရဲတယ်။

ကျုပ်တို့ဟာ ဒီတိုင်းပြည်မှာ အစိုးရဖြစ်အောင် အတင်းအဓမ္မလုပ်လာလို့ အစိုးရဖြစ်တာ မဟုတ်ဘူး။ တိုင်းပြည်လူထုရဲ့ ထောက်ခံမှုနဲ့ ကျုပ်တို့အစိုးရဖြစ်နေတာ တိုင်းပြည်ကမကြည်ညိုဘူးဆိုတာ ကျုပ်တို့သိတဲ့တနေ့မှာ ကျုပ်တို့လဲ မနေဘူး။ တွယ်မနေပါဘူး။ ထွက်မှာပါဘဲ။ သို့သော်လဲဘဲ တနှစ်လောက် ကျုပ်တို့ကို စောင့်ကြည့်တဲ့အခါမှာ ကျုပ်တို့ဟာ ဘယ်လိုလူစားတွေလဲ။ ရာဇ၀င်မှာ အရေးခံမဲ့ လူစားမျိုးတွေလား။ ရာဇ၀င်မှာ အဆဲခံမဲ့ လူစားမျိုးတွေလားဆိုတာ ခင်ဗျားတို့ ကိုယ်တိုင်သိပါလိမ့်မယ်။……..

တိုင်းရင်းသားအချင်းချင်း ညီညွတ်ရေး၊ တိုင်းရင်းသားလူထု ညီညွတ်ရေး၊ စားဖားသမားတွေ ညီညွတ်တာ ကျွန်တော်မလိုချင်ပါဘူး။ တိုင်းရင်းသား အချင်းချင်းညီညွတ်ရေး၊ တိုင်းသူပြည်သား လူထုညီညွတ်ရေး၊ အဲဒီညီညွတ်ရေး နှစ်ခုမရှိသမျှ ကာလပတ်လုံး၊ ဒီတိုင်းပြည်ဟာ လွတ်လပ်ပင်လွတ်လပ်ငြားသော်လဲ ဘယ်ပါတီတက်တက်၊ ဘယ်အစိုးရလုပ်လုပ်၊ ဖာသယ်တိုင်းပြည်ဖြစ်နေမှာဘဲလို့ကျွန်တော်ပြောချင်တယ်။…..

ဗမာတွေ စိတ်ထဲမှာ ဗမာတွေဟာ စိတ်ဓာတ်ထက်တယ် ဘာညာနဲ့ တလွဲဆံပင်ကောင်းနေတယ်ဆိုတာနဲ့ အတူတူပါဘဲ။ ဒီစကားဟာ ဒီနေရာမှာသုံးဖို့ ဟာတွေပဲ။ ဗမာတွေစိတ်ဓာတ်က မဟုတ်တဲ့နေရာမှာ သွားပြီးကောင်းနေတယ်။ တကယ့်နေရာတွေကျတော့ အသုံးမကျဘူး။ ဗမာပြည် လွတ်လပ်ရေးရအောင် ဆိုတာမျိုးမှာ အသုံးမချတတ်ဘူး။ ဗမာပြည်ပြန်လည်ထူထောင်ရေးလုပ်တဲ့ နေရာမျိုးမှာ အသုံးမချတတ်ဘူး။ ဗမာဗမာချင်း ချဖို့မှာ လုပ်ချင်တယ်။….

ခင်ဗျားတို့ဟာ လွတ်လပ်ရေးကို လိုချင်ယင်၊ လွတ်လပ်ရေးရနိုင်လောက်တဲ့ စည်းကမ်းကို ရှိကြပါ။ လွတ်လပ်ရေးကို လိုချင်လို့ရှိယင် လွတ်လပ်ရေးကို ရနိုင်တဲ့ ညီညွတ်မှုကို ထိန်းသိမ်းထားပါ။ လွတ်လပ်ရေးကို လိုချင်ယင် လွတ်လပ်ရေးကို ရနိုင်တဲ့ ထူထောင်မှုကို လုပ်ကြပါ။ အဲဒီလို လုပ်ပြီးတဲ့နောက် ရှေ့ကို လွတ်လပ်ရေးအရသာကို ခံစားစံစားချင်တယ်ဆိုယင်၊ အလုပ်လုပ်ကြဖို့၊ စည်းကမ်းရှိကြဖို့၊ ယခုကတည်းက ခင်ဗျားတို့ကိုယ်ကို အကျင့်ဆိုးတွေ၊ အကျင့်ဟောင်းတွေ၊ စောက်ကျင့်တွေကိုပြင်ကြဖို့ လိုပြီဆိုတာ ကျွန်တော် ကနေ့ပြောခဲ့ချင်တယ်။"

(စာပေဗိမာန်ထုတ် ပြည်သူ့လက်စွဲစာစဉ်ထုတ် ဗိုလ်ချုပ်အောင်ဆန်းမိန့်ခွန်းများ ၁၉၄၅-၁၉၄၇ စာအုပ်မှ မူရင်းသတ်ပုံအတိုင်း ကောက်နုတ်ဖော်ပြသည်။)